BusinessTRENDING

17,500 രൂപ വരെ വില കിഴിവിൽ ഐഫോൺ 13! വമ്പൻ ഓഫറുകളുമായി ഫ്ലിപ്പ്കാർട്ട് ബിഗ് സേവിംഗ്‌സ് ഡെയ്‌സ് സെയിൽ 21 വരെ

ദില്ലി: ഫ്ലിപ്പ്കാർട്ട് മറ്റൊരു ഡിസ്ക്കൌണ്ട് വിൽപ്പനയുമായി രംഗത്ത എത്തിയിരിക്കുന്നു. ബിഗ് സേവിംഗ്‌സ് ഡെയ്‌സ് സെയിൽ ആണ് ഇപ്പോൾ ലൈവായിരിക്കുന്നത്. ഇത് ഡിസംബർ 21 വരെ തുടരും. വിൽപ്പന പരിപാടിക്കൊപ്പം ഉപയോക്താക്കൾക്ക് ലാപ്‌ടോപ്പുകൾ പോലുള്ള നിരവധി ഉൽപ്പന്നങ്ങൾക്ക് വലിയ കിഴിവുകളും ബാങ്ക് ഓഫറുകളും ലഭിക്കും. ഇലക്ട്രോണിക്സ്, സ്മാർട്ട്ഫോണുകൾ എന്നിവയ്ക്കും ഓഫറുകളുണ്ട്. ഇതിൽ ആപ്പിളിന്റെ പ്രീമിയം ഐഫോണും, രണ്ടാം തലമുറ എയർപോഡുകൾക്കും ഓഫർ നൽകും.

എസ്ബിഐ, കൊട്ടക് ബാങ്ക് എന്നിവയുള്ള ഉപഭോക്താക്കൾക്കും ഉൽപ്പന്നങ്ങളിൽ നിരവധി പ്രത്യേക കിഴിവുകൾ ആസ്വദിക്കാനാകും. കഴിഞ്ഞ വർഷം പുറത്തിറക്കിയ ആപ്പിൾ ഐഫോൺ 13 ന്റെ യഥാർത്ഥ വില 69,900 രൂപയാണ്. ഇപ്പോൾ ഈ വിൽപ്പനയിൽ ഈ ഫോൺ 62,999 രൂപയ്ക്ക് വാങ്ങാൻ അവസരമുണ്ട്. അതായത് യഥാർത്ഥ വിലയിൽ നിന്നും 7,000 രൂപ കുറഞ്ഞു. റെഡ്, ബ്ലൂ, ഒലിവ്, ഗ്രീൻ, വൈറ്റ്, പിങ്ക്, ബ്ലാക്ക് എന്നിങ്ങനെ ഏഴ് കളർ ഓപ്ഷനുകളിലാണ് ഐഫോൺ 13 വരുന്നത്. എസ്ബിഐ ഡെബിറ്റ്, ക്രെഡിറ്റ് കാർഡുകൾ ഉള്ള വാങ്ങുന്നവർക്ക് ബാങ്ക് ഡിസ്കൗണ്ട് ലഭിക്കും. അതേസമയം ആക്‌സിസ് ബാങ്ക് കാർഡുകൾക്ക് 5 ശതമാനം വരെ ക്യാഷ്ബാക്ക് ലഭിക്കും. എല്ലാ ഓഫറുകളും കണക്കിലെടുക്കുമ്പോൾ, ഐഫോൺ 13 ന്റെ വില 62,999 രൂപയാകും.

ഇതിന് പുറമേ ഉപഭോക്താക്കൾക്ക് ഒരു എക്‌സ്‌ചേഞ്ച് ഓഫർ തിരഞ്ഞെടുക്കുകയാണെങ്കിൽ ഈ വിലയിലും കുറഞ്ഞ് ഈ ഫോൺ സ്വന്തമാക്കാം. എക്സ്ചേഞ്ച് ഡീലിന്റെ മൂല്യം സ്മാർട്ട്ഫോണിന്റെ അവസ്ഥയെ മാത്രം ആശ്രയിച്ചിരിക്കും. പഴയ സ്മാർട്ട്ഫോണുകൾക്ക് 17,500 രൂപ വരെ എക്സ്ചേഞ്ച് വില കിഴിവ് ലഭിക്കും. ഫ്ലിപ്പ്കാർട്ടിൽ ആപ്പിൾ രണ്ടാംതലമുറ എയർപോഡുകൾക്ക് കിഴിവ് വാഗ്ദാനം ചെയ്യുന്നുണ്ട്. ഇത് ഉപയോക്താക്കൾക്ക് ആഴത്തിലുള്ള ഓഡിയോ അനുഭവം വാഗ്ദാനം ചെയ്യുന്നു. ഈ ഇയർബഡുകൾക്ക് നിലവിൽ 8,999 രൂപയാണ് വില യഥാർത്ഥത്തിൽ ഇവയുടെ വില 14,100 രൂപയാണ്. അതായത് വില ഏകദേശം 5,000 രൂപ കുറഞ്ഞു.

Back to top button
error: