ബംഗളൂരു: നിര്‍ബന്ധിത മതപരിവര്‍ത്തനത്തിന് ശ്രമിച്ചെന്നാരോപിച്ച് ഭാര്യയ്ക്കെതിരേ പരാതിയുമായി യുവാവ്. കര്‍ണാടകയിലെ
മഹാലക്ഷ്മി പോലീസ് സ്റ്റേഷനിലാണ് യുവാവ് ഭാര്യയ്ക്കും അവരുടെ മാതാപിതാക്കള്‍ക്കുമെതിരേ പരാതി നല്‍കിയത്.
2019 ലാണ് വെല്‍ഡിങ്ങ് ഷോപ്പ് ജീവനക്കാരനായ ഹിന്ദു യുവാവ്ക്രിസ്ത്യന്‍ പെണ്‍കുട്ടിയെ പ്രണയിച്ച് വിവാഹം ചെയ്തത്.ഇതിന് പിന്നാലെ മതം മാറാന്‍ ഭാര്യയും കുടുംബവും നിരന്തരം സമ്മര്‍ദം ചെലുത്തിയതായി യുവാവ് പറയുന്നു. മതം മാറണമെന്ന് പറഞ്ഞുള്ള പീഡനം അസഹീനയമായെന്നും, തന്റെജീവന് ഭീഷണിയുണ്ടെന്നും പരാതിയില്‍ പറയുന്നു.
ജോലിക്കായി മറ്റ് സംസ്ഥാനങ്ങളില്‍ പോകുമ്പോള്‍, തന്നെ മനഃപൂര്‍വം പീഡിപ്പിക്കുന്നതനായി കാണാനില്ലെന്ന് പറഞ്ഞ് പരാതി നല്‍കാറുണ്ടെന്നും, അയല്‍വാസികളില്‍ നിന്ന് തന്റെ പേരില്‍ പണം വാങ്ങാറുണ്ടെന്നും യുവാവിന്റെ പരാതിയില്‍ പറയുന്നു.
