സിഡ്‌നി: എട്ട് വിക്കറ്റിന്റെ ആധികാരിക ജയത്തോടെ ടി 20 ലോകകപ്പിന്റെ ഫൈനലിലെത്തുന്ന ആദ്യ ടീമായി പാക്കിസ്ഥാന്‍.
ന്യൂസിലാന്റ് ഉയര്‍ത്തിയ 153 റണ്‍സ് വിജയലക്ഷ്യം രണ്ട് വിക്കറ്റ് നഷ്ടത്തില്‍ 19.1 ഓവറില്‍ പാക്കിസ്ഥാന്‍ മറികടന്നു.ക്യാച്ചുകള്‍ വിട്ട് ന്യൂസിലാന്റിന്റെ സഹായം കൂടി ലഭിച്ചതോടെ ടൂര്‍ണ്ണമെന്റില്‍ ഇതുവരെ മിന്നുന്ന പ്രകടനം കാഴ്‌ച്ചവെച്ച കിവികളെ നിഷ്പ്രഭരാക്കിയാണ് പാക്കിസ്ഥാന്റെ വിജയം.
57 റണ്‍സെടുത്ത മുഹമ്മദ് റിസ്വാന്റെയും 53 റണ്‍സെടുത്ത ക്യാപ്റ്റന്‍ ബാബര്‍ അസമിന്റെയും ഇന്നിങ്ങ്‌സുകളാണ് പാക്കിസ്ഥാന്റെ വിജയത്തില്‍ നിര്‍ണ്ണായകമായത്.
നാളെ ഇന്ത്യ- ഇംഗ്ലണ്ട് മത്സരത്തിലെ വിജയികളെ പാക്കിസ്ഥാന്‍ ഫൈനലില്‍ നേരിടും.പാക്കിസ്ഥാന്റെ മൂന്നാം ട്വന്റി 20 ലോകകപ്പ് ഫൈനലാണിത്.
2007 ഫൈനലില്‍ ഇന്ത്യയോട് തോറ്റ പാക്കിസ്ഥാന്‍ 2009-ല്‍ കിരീടം നേടിയിട്ടുണ്ട്.
