പത്തനംതിട്ട: പ്രായപൂര്‍ത്തിയാകാത്ത വിദ്യാര്‍ത്ഥിനി ഗര്‍ഭിണിയായ സംഭവത്തില്‍ 17-കാരന്‍ കസ്റ്റഡിയില്‍.ആറൻമുളയിലാണ് സംഭവം.
16-കാരിയായ പെണ്‍കുട്ടിയുടെ സ്‌കൂളില്‍ തന്നെ പഠിക്കുന്ന മറ്റൊരു വിദ്യാര്‍ത്ഥിയാണ് പോലീസ് പിടിയിലായത്.
പ്ലസ് വണ്‍ വിദ്യാര്‍ത്ഥിനിയായ 16-കാരിയെ ശാരിരിക അസ്വസ്ഥതകളെ തുടര്‍ന്നായിരുന്നു ആശുപത്രിയില്‍ പ്രവേശിപ്പിച്ചത്. തുടര്‍ന്ന് പെണ്‍കുട്ടി 5 മാസം ഗര്‍ഭിണിയാണെന്ന് പരിശോധനയില്‍ കണ്ടെത്തി. ഇതോടെ ആശുപത്രി അധികൃതര്‍ പെണ്‍കുട്ടിക്ക് കൗണ്‍സിലിംഗ് ആരംഭിച്ചു. ഇതിനിടെയാണ് പെണ്‍കുട്ടി സുഹൃത്തിനെക്കുറിച്ച്‌ വെളിപ്പെടുത്തിയത്.
2019ല്‍ വീടിന് സമീപത്തെ ആളൊഴിഞ്ഞ കെട്ടിടത്തില്‍ എത്തിച്ചായിരുന്നു ആദ്യമായി പെണ്‍കുട്ടിയെ സുഹൃത്ത് ലൈംഗികമായി ഉപയോഗിച്ചത്. ഇതിന് ശേഷം പലതവണ പെണ്‍കുട്ടിയുടെ വീട്ടില്‍ എത്തി ലൈംഗിക അതിക്രമം നടത്തിയിരുന്നു. ഒടുവില്‍ 16-കാരി ഗര്‍ഭിണിയായതോടെയാണ് വിവരം പുറത്തുവന്നതെന്ന് ആറന്മുള പോലീസ് അറിയിച്ചു. ആരോപണ വിധേയനായ വിദ്യാര്‍ത്ഥിയെ ജുവനൈല്‍ ജസ്റ്റിസ് കോടതിയില്‍ ഹാജരാക്കുമെന്നും പോലീസ് വ്യക്തമാക്കി.
