തൊടുപുഴ: മുട്ടത്ത് പൊലീസുകാരനെ ആക്രമിച്ച് പരുക്കേല്‍പ്പിച്ച ശേഷം കഞ്ചാവ് കേസിലെ പ്രതി ഓടി രക്ഷപ്പെട്ടു. കഞ്ചാവ് കേസിലെ പ്രതി സുനീറാണ് പോലീസുകാരനെ പരുക്കേല്‍പ്പിച്ചത്. പരുക്കേറ്റ മുട്ടം പോലീസ് സ്റ്റേഷനിലെ സിവില്‍ പോലീസ് ഓഫീസര്‍ എം.എസ്. ഷാജിയെ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ല.
അതേസമയം, വണ്ടിപ്പെരിയാറയില്‍ വില്‍പ്പനക്കായി സൂക്ഷിച്ചിരുന്ന പന്ത്രണ്ട് ഗ്രാം കഞ്ചാവുമായി യുവാവ് പൊലീസിന്റെ പിടിയിലായി.
വണ്ടിപ്പെരിയാര്‍ മൂലക്കയം പോബ്‌സ് എസ്റ്റേറ്റില്‍ മണികണ്ഠന്‍ (31) ആണ് പോലീസ് പിടിയിലായത്. മുമ്പും കഞ്ചാവ് കൈവശം വച്ച് വില്‍പന നടത്തിയതിന് ഇയാള്‍ക്കെതിരേ വണ്ടിപ്പെരിയാര്‍ പോലീസ് കേസെടുത്തിരുന്നു.
