ഐസ്വാള്‍: പെട്രോള്‍ ടാങ്കറിന് തീപിടിച്ചതിനെ തുടര്‍ന്നുണ്ടായ സ്ഫോടനത്തില്‍ നാല് പേര്‍ വെന്തുമരിച്ചു. സംഭവത്തില്‍ 18 പേര്‍ക്ക് പൊള്ളലേറ്റിട്ടുണ്ട്.
മിസോറാമിലെ ഐസ്വാള്‍ ജില്ലയില്‍ ശനിയാഴ്‌ച വൈകുന്നേരമായിരുന്നു സംഭവം. ഐസ്വാളില്‍ നിന്ന് 15 കിലോമീറ്റര്‍ അകലെയുള്ള തുരിയാല്‍ ഗ്രാമത്തിലാണ് അപകടം നടന്നത്.
പെട്രോളുമായി ചമ്ബായി ജില്ലയിലേക്ക് പോകുകയായിരുന്ന ടാങ്കറില്‍ നിന്ന് ഒലിച്ചിറങ്ങിയ പെട്രോള്‍ ശേഖരിക്കാന്‍ ആളുകള്‍ ശ്രമിച്ചപ്പോഴാണ് തീ പടര്‍ന്നത്. പൊള്ളലേറ്റ 18 പേരും ആശുപത്രിയില്‍ ചികിത്സയിലാണ്. ഇവരുടെ നില ഗുരുതരമാണെന്ന് ആശുപത്രി അധികൃതര്‍ അറിയിച്ചു.
