കണ്ണൂര്‍: അന്യസംസ്ഥാന തൊഴിലാളികള്‍ തമ്മിലുണ്ടായ കൈയാങ്കളിക്കൊടുവില്‍ ഒരാള്‍ കുത്തേറ്റ് മരിച്ചു. അസം സ്വദേശി പ്രഹ്ലാദ് ബര്‍ഹ്വ (45) ആണ് കൊല്ലപ്പെട്ടത്.
സംഭവത്തില്‍, അസം സ്വദേശി ജഗത് ഗൊഗോയ് (36) പൊലീസ് പിടിയിലായി.
ഞായറാഴ്ച പകല്‍ മൂന്നോടെയാണ് സംഭവം. കണ്ണപുരം അയ്യോത്തെ സ്വകാര്യ പ്ലൈവുഡ് ഫാക്ടറിയിലെ തൊഴിലാളികളാണ് ഇരുവരും. കുത്തേറ്റ പ്രഹ്ലാദയെ ഉടന്‍ പരിയാരത്തെ ഗവ. മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും മരിക്കുകയായിരുന്നു.
പൊലീസ് നടപടികള്‍ക്ക് ശേഷം മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി.
