NEWS
ടി20 ക്കായി ദക്ഷിണാഫ്രിക്കന് ടീം തിരുവനന്തപുരത്തെത്തി
തിരുവനന്തപുരം: ബുധനാഴ്ച്ച കാര്യവട്ടം ഗ്രീന്ഫീല്ഡ് സ്റ്റേഡിയത്തില് നടക്കുന്ന ഇന്ത്യ- ദക്ഷിണാഫ്രിക്ക ടി20 മത്സരത്തിനായി ദക്ഷിണാഫ്രിക്കന് ടീം തിരുവനന്തപുരത്തെത്തി.
ദുബായില് നിന്നുള്ള EK0522 എമിറേറ്റ്സ് വിമാനത്തില് പുലര്ച്ചെ 3.10നാണ് ദക്ഷിണാഫ്രിക്കന് ടീം തലസ്ഥാനത്തിയത്.
ഇന്ന് വൈകീട്ട് അഞ്ചിന് കാര്യവട്ടം സ്റ്റേഡിയത്തില് ടീം പരിശീലനം നടത്തും. ഇന്ത്യന് ടീം നാളെ വൈകീട്ട് നാലരയ്ക്ക് ഹൈദരാബാദില് നിന്ന് തിരുവനന്തപുരത്തെത്തും.
മത്സരം നടക്കുന്ന കാര്യവട്ടം ഗ്രീന്ഫീല്ഡ് സ്പോര്ട്സ് ഹബ്ബില് തയാറാക്കിയ വിക്കറ്റുകള് ബിസിസിഐ ക്യൂറേറ്റര് കഴിഞ്ഞ ദിവസം പരിശോധിച്ചിരുന്നു. കര്ണാടക ക്രിക്കറ്റ് അസോസിയേഷന്റെ ചീഫ് ക്യൂറേറ്ററും ബിസിസിഐ ക്യൂറേറ്റര്മാരുടെ എലൈറ്റ് പാനല് അംഗവുമായ പ്രശാന്ത് റാവുവാണ് പിച്ച് പരിശോധിക്കാനെത്തിയത്.
