സലാല : ചെങ്ങന്നൂർ നെല്ലിക്കൽ സ്വദേശി ആശാരിയാത്ത് ജ്യോതി വില്ലയിൽ ജോർജ് തോമസ് (തമ്പി, 61 വയസ്സ്) സലാലയിൽ ഹൃദയഘാതത്തെ തുടർന്ന് മരണമടഞ്ഞു.
കഴിഞ്ഞ ആറ് വർഷമായി ഒരു സ്വകാര്യ കമ്പനിയിൽ ജോലി ചെയ്ത് വരികയായിരുന്ന ജോർജ് തോമസ് സാധയിലെ താമസ സ്ഥലത്ത് ഇന്നലെ രാത്രി ഉറങ്ങാൻ കിടന്നതായിരുന്നു. രാവിലെ മരിച്ച നിലയിൽ കണ്ടെത്തുകയായിരുന്നു.
ഭാര്യ : ശ്രീമതി ജെസ്സി ജോർജ്. മക്കൾ : ഷെറിൻ, നിബിൻ. മരുമകൻ : അലക്‌സ്.
പൊലീസ് സ്ഥലത്തെത്തി മേൽ നടപടികൾ സ്വീകരിച്ചു. സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നിയമനടപടികൾക്ക് ശേഷം നാട്ടിലേക്ക് കൊണ്ടു പോകും.
