കൊച്ചി:കോവിഡ് കാരണം മുടങ്ങിപ്പോയ ഐഎസ്എൽ ഹോം മത്സരങ്ങൾ വീണ്ടും കൊച്ചിയിൽ ആരംഭിക്കുന്നു.
രണ്ട് വര്‍ഷങ്ങളായി കലൂര്‍ സ്റ്റേഡിയത്തില്‍ മത്സരങ്ങള്‍ കാണാന്‍ കഴിയാത്തവരെ ഹോം ഗ്രൗണ്ടിലേക്ക് സ്വാഗതം ചെയ്തു കൊണ്ട് കേരള ബ്ലാസ്റ്റേഴ്സ് എഫ് സിയുടെതാണ് അറിയിപ്പ്. ഐ എസ് എല്‍ മത്സരങ്ങള്‍ക്കായുള്ള ടിക്കറ്റ് വില്‍പ്പന ഉടന്‍ ആരംഭിക്കും എന്നാണ് ക്ലബ്ബാണ് അറിയിച്ചിരിക്കുന്നത്.
ഒക്ടോബര്‍ മുതല്‍ മാര്‍ച്ച്‌ വരെയാണ് ഐ എസ് എല്‍ സീസണ്‍ നടക്കുന്നത്.കഴിഞ്ഞ സീസണില്‍ കോവിഡ് കാരണം ഗോവയില്‍ നടന്ന ഐ എസ് എല്ലില്‍ കേരള ബ്ലാസ്റ്റേഴ്സ് ഫൈനല്‍ വരെ എത്തിയിരുന്നു.ഇവാന്‍ വുകമാനോവിചിന്റെ കീഴില്‍ ഗംഭീര പ്രകടനമാണ് ടീം നടത്തിയത്.
അതുകൊണ്ട് തന്നെ കേരള ബ്ലാസ്റ്റേഴ്സ് ആരാധകര്‍ ഇത്തവണ കലൂർ സ്റ്റേഡിയത്തിലേക്ക് ഒഴുകിയെത്തുമെന്നാണ് പ്രതീക്ഷ.ഇപ്പോള്‍ യു എ ഇയില്‍ പരിശീലനം നടത്തുകയാണ് കേരള ബ്ലാസ്റ്റേഴ്സ് ടീം.
