കൊച്ചി: ഇന്‍സ്റ്റാഗ്രാം ലൈവില്‍ പ്രായപൂര്‍ത്തിയാകാത്ത തൃശൂര്‍ സ്വദേശിയായ പ്ലസ് ടു വിദ്യാര്‍ത്ഥിനിയോട് കഞ്ചാവ് വലിക്കുന്നതിനെപ്പറ്റി ചര്‍ച്ച ചെയ്ത യൂട്യൂബ് വ്‌ളോഗര്‍ അറസ്റ്റില്‍. മട്ടാഞ്ചേരി മാര്‍ട്ടിന്‍ എന്നറിയപ്പെടുന്ന മട്ടാഞ്ചേരി സ്വദേശി ഫ്രാന്‍സിസ് നെവിന്‍ അഗസ്റ്റിനാണു പിടിയിലായത്. രണ്ടു ഗ്രാം കഞ്ചാവ് കൈവശം വച്ചതിനാണ് ഇയാളെ ഇപ്പോള്‍ അറസ്റ്റ് ചെയ്തിരിക്കുന്നത്.
പെണ്‍കുട്ടിയോട് കഞ്ചാവ് വലിക്കുന്നതിനെ കുറിച്ച് ചര്‍ച്ച ചെയ്ത സംഭവത്തില്‍ പ്രത്യേകം അന്വേഷണം നടത്തുമെന്നും ഇക്കാര്യത്തില്‍ ഇയാളുടെ മൊഴിയെടുക്കുമെന്നും എക്‌സൈസ് ഉദ്യോഗസ്ഥര്‍ വ്യക്തമാക്കി. ഇന്‍സ്റ്റാഗ്രാം ലൈവില്‍ ഇയാള്‍ പെണ്‍കുട്ടിയെ കഞ്ചാവ് വലിക്കാന്‍ പ്രോത്സാഹിപ്പിക്കുന്ന വീഡിയോ വൈറലായതിന് പിന്നാലെയാണ് എക്‌സൈസ് നടപടി. വീഡിയോ പ്രചരിപ്പിച്ചവര്‍ക്കെതിരെയും നടപടിയുണ്ടാകുമെന്ന് എക്‌സൈസ് ഉദ്യോഗസ്ഥര്‍ വ്യക്തമാക്കി.
മാര്‍ട്ടിനെക്കുറിച്ചുള്ള വാര്‍ത്തകളുടെ അടിസ്ഥാനത്തില്‍ കൊച്ചി എക്‌െസെസ് സര്‍ക്കിള്‍ ഇന്‍സ്‌പെക്ടര്‍ ശ്രീരാജിന്റെ നിര്‍ദ്ദേശപ്രകാരം മട്ടാഞ്ചേരി എക്‌െസെസ് ഇന്‍സ്‌പെക്ടര്‍ പ്രദീപും സംഘവും ചേര്‍ന്നുനടത്തിയ അന്വേഷണത്തിലാണു കഞ്ചാവുമായി ഇയാളെ പിടികൂടിയത്. മാര്‍ട്ടിനു കഞ്ചാവ് ലഭിച്ചിരുന്ന സ്ഥലങ്ങളെക്കുറിച്ചും വിതരണ ശൃംഖലയെക്കുറിച്ചും വിശദമായി അന്വേഷണം നടത്തുമെന്ന് എക്‌െസെസ് അധികൃതര്‍ അറിയിച്ചു.
ആദ്യം പുറത്തുവന്ന വീഡിയോയില്‍ പ്ലസ്ടു വിദ്യാര്‍ത്ഥിനിയോടു കഞ്ചാവ് വലിക്കുന്നതിന്റെ ഗുണത്തെപറ്റിയും കഞ്ചാവ് ലഭിക്കുന്ന സ്ഥലങ്ങളെ പറ്റിയുമാണു വിശദമായി പറഞ്ഞു കൊടുക്കുന്നത്. കഞ്ചാവ് ലഭിക്കാന്‍ ഫോര്‍ട്ട്‌കൊച്ചിയിലേക്കോ കോതമംഗലത്തേക്കോ പോകാന്‍ വ്‌ളോഗര്‍ നിര്‍ദ്ദേശിക്കുന്നുണ്ട്. വ്‌ളോഗറുടെ ഇന്‍സ്റ്റാഗ്രാം പേജിലെ െലെവിലാണു സംഭാഷണം നടന്നിരിക്കുന്നത്. ഇതാരോ റെക്കോര്‍ഡ് ചെയ്തു സമൂഹ മാധ്യമങ്ങളില്‍ പ്രചരിപ്പിക്കുകയും വീഡിയോ വൈറലാകുകയുമായിരുന്നു. സംഭാഷണത്തില്‍ പെണ്‍കുട്ടി താന്‍ ഒരു ആര്‍മി ഉദ്യോഗസ്ഥന്റെ മകളാണെന്നും ജയില്‍ശിക്ഷ ഉള്‍പ്പെടെ അനുഭവിച്ചിട്ടുണ്ടെന്നും പറയുന്നുണ്ട്. താന്‍ സംസാരിക്കുന്നത് ആണ്‍കുട്ടിയോടൊ പെണ്‍കുട്ടിയോടോ എന്നറിയാതെയാണു നവീന്‍ സംസാരിച്ചു തുടങ്ങുന്നത്.
ഇരുവരും സംസാരിച്ചു തുടങ്ങുമ്പോള്‍ ഗ്രൂപ്പ് ചാറ്റില്‍ ഉണ്ടായിരുന്ന മറ്റു രണ്ടുപേരും ഇറങ്ങിപ്പോകുന്നുണ്ട്. പെണ്‍കുട്ടിയാണെന്നു പറഞ്ഞപ്പോള്‍ വ്‌ളോഗര്‍ക്കും അതിശയം. എന്തൊക്കെയാണു പരിപാടിയെന്ന പെണ്‍കുട്ടിയുടെ ചോദ്യത്തിനു പൊകയടിയാണെന്നു വ്‌ളോഗര്‍. മുഴുവന്‍ സമയവും പുകയടിയാണെന്ന് ഇയാള്‍ സമ്മതിക്കുന്നുണ്ട്. തിരിച്ചുള്ള ചോദ്യത്തിനു മറുപടിയും അതുതന്നെ.. പ്ലസ്ടു കഴിഞ്ഞു.. ഇപ്പം പോങ്ക് ഒക്കെയടിച്ച് ഇങ്ങനെ നടക്കുന്നു…വേറെ എന്തു പരിപാടി.. എന്നു പെണ്‍കുട്ടി. വ്‌ളോഗര്‍ ഈ സമയമൊക്കെ പൊകച്ചു കൊണ്ടാണു സംസാരിക്കുന്നത്. തുടര്‍ന്ന് ഇവര്‍ കഞ്ചാവ് വലിക്കുന്നതിന്റെ ഗുണത്തെപറ്റിയും കഞ്ചാവ് ലഭിക്കുന്ന സ്ഥലങ്ങളെ പറ്റിയുമാണു സംസാരിക്കുന്നത്. കഞ്ചാവ് ലഭിക്കാന്‍ ഫോര്‍ട്ട്‌കൊച്ചിയിലേക്കോ കോതമംഗലത്തേക്കോ പോകാന്‍ വ്‌ളോഗര്‍ നിര്‍ദ്ദേശിക്കുന്നുണ്ട്. തനിക്ക് വ്‌ളോഗറെ നേരില്‍ കാണാനുള്ള താല്‍പര്യവും വീഡിയോയില്‍ കുട്ടി പ്രകടിപ്പിക്കുന്നുണ്ട്. പൊകയടിയും മറ്റും കാരണം വീട്ടില്‍ തന്നോട് ആരും സംസാരിക്കുന്നില്ലെന്നും കുട്ടി മാര്‍ട്ടിനോട് പറയുന്നുണ്ട്.
ഈ വീഡിയോ വൈറലായതിനു പിന്നാലെ മാര്‍ട്ടിന്‍ കഞ്ചാവ് വലിക്കുന്ന വിധം വ്യക്തമാക്കുകയും ഒപ്പം ആസ്വദിച്ചു വലിക്കുകയും ചെയ്യുന്ന വീഡിയോ ചാറ്റും പുറത്തുവന്നിട്ടുണ്ട്. ഈ ചാറ്റിലും ഒരു യുവതിയെ കാണാം. ഇവര്‍ ഏറെ ശ്രദ്ധയോടെ മാര്‍ട്ടിന്റെ ചലനങ്ങള്‍ വീക്ഷിക്കുന്നുണ്ട്. ഒടുവില്‍ പല്ലു തേയ്‌ച്ചോ എന്നു യുവതി ചോദിക്കുമ്പോള്‍ ഇല്ലന്നു മാര്‍ട്ടിന്‍ മറുപടി നല്‍കുന്നുണ്ട്. ഈ സമയത്ത് ലഹരി തലയ്ക്കു പിടിച്ച രീതിയിലുള്ള ഇയാളുടെ ഭാവപ്രകടനവും വീഡിയോയില്‍ കാണാം.
