KeralaNEWS

കുഞ്ഞിനെ കാണാന്‍ ദുബൈയിൽ നിന്നും ഭര്‍ത്താവ് എത്തി നിമിഷങ്ങള്‍ക്കകം ഭാര്യ കുഴഞ്ഞു വീണു മരിച്ചു

കാസർകോട്: ദുബൈയിൽ നിന്നെത്തിയ ഭർത്താവിന്റെ കൈയിൽ 28 ദിവസം പ്രായമായ കുഞ്ഞിനെ എൽപ്പിച്ച് വെള്ളമെടുക്കാൻ പോയ യുവതി കുഴഞ്ഞു വീണു മരിച്ചു.

ആരിക്കാടി മുഹ്യദ്ധിൻ നഗറിലെ മുഹമ്മദ് അഷ്റഫിന്റെ ഭാര്യയും മഞ്ചേശ്വരം മൊർത്തണയിലെ അബ്ദുള്ള ആയിഷ ദമ്പതികളുടെ മകളായ സഫാന(25)യാണ് മരണപ്പെട്ടത്. രണ്ട് വർഷം മുമ്പാണ് ഇവരുടെ വിവാഹം നടന്നത്.

ഒരു മാസത്തിന് മുമ്പ് ആശുപത്രിയില്‍ പ്രസവിച്ച്‌ സ്വന്തം വീട്ടിലേക്ക് മടങ്ങിയ സഫാന കുഞ്ഞിന്റെ തൊട്ടില്‍ കെട്ടല്‍ ചടങ്ങുകള്‍ക്കായി ചൊവ്വാഴ്ച ആരിക്കാടിയിലെ ഭര്‍തൃവീട്ടില്‍ എത്തുകയായിരുന്നു. ദുബൈയിലായിരുന്ന അഷ്റഫും ഉച്ചയോടെ വീട്ടിലെത്തി കുഞ്ഞിനെയും മാതാവിനെയും കണ്ടു. നിമിഷങ്ങള്‍ക്കകം സഫാന കുഴഞ്ഞു വീഴുകയായിരുന്നു.

ഉടന്‍ തന്നെ കുമ്പള ജില്ല സഹകരണ ആശുപത്രിയില്‍ എത്തിച്ചെങ്കിലും ഡോക്ടര്‍ മരണം സ്ഥിരീകരിച്ചു. സഫാനയുടെ ആകസ്മിക മരണം ബന്ധുക്കളെയും നാടിനെയും ദുഃഖത്തിലാഴ്ത്തിയിരിക്കുകയാണ്.

Leave a Reply

Your email address will not be published. Required fields are marked *

Back to top button
error: