ദില്ലി: ഹിമാചൽ പ്രദേശ് അന്തരിച്ച ബിജെപി മുൻ എംഎൽഎ രാകേഷ് വെർമയുടെ ഭാര്യയുമായ ഇന്ദു വെർമ കോൺഗ്രസിൽ ചേർന്നു. വർമ്മയുടെ പരേതനായ ഭർത്താവ് രാകേഷ് വെർമ മൂന്ന് തവണ എംഎൽഎ ആയിരുന്നു. അവരുടെ കുടുംബത്തിന് ഷിംലയിലുടനീളം സ്വാധീനമുണ്ട്. നേരത്തെ ബിജെപി മുൻ സംസ്ഥാന അധ്യക്ഷൻ ഖിമി റാം ശർമ കോൺഗ്രസിൽ ചേർന്നിരുന്നു.
വെർമയെ പാർട്ടിയിലേക്ക് രാജീവ് ശുക്ല സ്വാഗതം ചെയ്തു. പൊതുസമൂഹം കോൺഗ്രസിന് അനുകൂലമാണെന്നും 2022-ൽ തെരഞ്ഞെടുപ്പ് നടക്കുമ്പോൾ ബിജെപിയെ അധികാരത്തിൽ നിന്ന് പുറത്താക്കുമെന്നും അദ്ദേഹം പറഞ്ഞു. ഇന്ത്യൻ സൈന്യത്തിലേക്ക് നാല് ശതമാനം പട്ടാളക്കാരെ സംഭാവന ചെയ്യുന്ന സംസ്ഥാനം അസംതൃപ്തിയിലാണെന്നും രാജീവ് ശുക്ല പറഞ്ഞു. കോൺഗ്രസ് ജൂലൈ 27 ന് ധർമ്മശാലയിൽ നിന്ന് സംസ്ഥാനവ്യാപകമായി “യുവ റോസ്ഗർ യാത്ര” ആരംഭിക്കുമെന്നും അദ്ദേഹം വ്യക്തമാക്കി.
