NEWSWorld

സ്വപ്‌നം കണ്ടത് പാഴായില്ല; ലഭിച്ചത്‌ രണ്ടര ലക്ഷം ഡോളര്‍

വിർജീനിയ: സ്വപ്നത്തിൽക്കണ്ട നമ്പറുള്ള ലോട്ടറി ടിക്കറ്റെടുത്തയാൾക്ക് വൻതുക സമ്മാനം. അമേരിക്കയിലാണ് സംഭവം. സമ്മാനമായ രണ്ടര ലക്ഷം ഡോളർ ഇയാൾക്ക് ലഭിച്ചു. വിർജീനിയയിൽ നിന്നുള്ള അലോൺസോ കോൾമാൻ കോർണർ മാർട്ടിൽ നിന്നാണ് ടിക്കറ്റ് വാങ്ങിയതെന്ന് എൻബിസി-അഫിലിയേറ്റ് ലോക്കൽ ഡബ്ല്യുഡബ്ല്യുബിടിയിലെ റിപ്പോർട്ട് ചെയ്തു. രണ്ട് ഡോളറിനാണ് ഇയാൾ ടിക്കറ്റ് വാങ്ങിയത്. സമ്മാനം അടിച്ചത് വിശ്വസിക്കാൻ പ്രയാസമായിരുന്നു കോൾമാൻ പറഞ്ഞു.

ടെലിവിഷനിലെ നറുക്കെടുപ്പ് നോക്കുകയായിരുന്നു.  തന്റെ ടിക്കറ്റിലെ നമ്പർ സീക്വൻസ്  13, 14, 15, 16, 17, 18 ഒത്തുവന്നു. 19 എന്ന ബോണസ് നമ്പറും ഉണ്ടായിരുന്നു, എന്നാൽ ആദ്യത്തെ ആറ് നമ്പറുകൾക്കാണ് വലിയ തുക സമ്മാനമായി ലഭിച്ചത്. വ്യാഴാഴ്ചയാണ് ഭാഗ്യക്കുറിയുടെ ഫലം പ്രഖ്യാപിച്ചത്. വിജയിക്കുന്ന നമ്പറുകൾ താൻ മുമ്പ് സ്വപ്നം കണ്ടിരുന്നതാ‌യി ഇയാൾ വെളിപ്പെടുത്തി.

250,000 ഡോളറിന്റെ ഭീമൻ ചെക്കും ‘ഞാനൊരു മുഷിഞ്ഞ വൃദ്ധൻ”-എന്നെഴുതിയ ടീ ഷർട്ടുമായി ആഹ്ലാദിക്കുന്ന കോൾമാന്റെ ചിത്രം പുറത്തുവന്നു. ബുധൻ, ഞായർ ദിവസങ്ങളിലാണ് വിർജീനിയ ലോട്ടറി നറുക്കെടുപ്പ്. 10, അഞ്ച്, 2.5 ലക്ഷം ഡോളറുകളാണ് സമ്മാനം. 38 ലക്ഷത്തിലൊന്നാണ് സമ്മാനം നേടാനുള്ള സാധ്യത.

Leave a Reply

Your email address will not be published. Required fields are marked *

Back to top button
error: