ഡല്ഹി: യമന് പൗരനെ കൊലപ്പെടുത്തിയ കേസിലെ മലയാളി നഴ്സ് നിമിഷപ്രിയയുടെ (33) വധശിക്ഷ ഒഴിവാക്കാനുള്ള ശ്രമങ്ങള് ആരംഭിച്ചതായി സേവ് നിമിഷപ്രിയ ഗ്ലോബല് ആക്ഷന് കമ്മിറ്റി അറിയിച്ചു.ദയാധനം നല്കി നിമിഷയെ മോചിപ്പിക്കാനുള്ള ശ്രമങ്ങളാണ് ഇപ്പോള് നടക്കുന്നത്.
ദയാധനമായി രണ്ട് കോടി രൂപ വരെ നല്കേണ്ടി വന്നേക്കുമെന്നാണ് ആക്ഷന് കമ്മിറ്റി കരുതുന്നത്.ഒരു മാസത്തിനുള്ളില് ഈ തുക കണ്ടെത്തേണ്ടതുണ്ട്.നിമിഷപ്രിയ വധശിക്ഷക്കെതിരെ ഉടന് തന്നെ സുപ്രീം കോടതിയില് അപ്പീല് പോകുമെന്നും നിമിഷപ്രിയ ഗ്ലോബല് ആക്ഷന് കമ്മിറ്റി വ്യക്തമാക്കി.
കഴിഞ്ഞ തിങ്കളാഴ്ചയാണ്, യമന് പൗരന് തലാല് അബ്ദുമഹ്ദിയെ കൊലപ്പെടുത്തിയ കേസില്, പാലക്കാട് കൊല്ലങ്കോട് സ്വദേശി നിമിഷപ്രിയയുടെ വധശിക്ഷ സനായിലെ അപ്പീല് കോടതി ശരിവച്ചത്.
