കൊച്ചി: കൊച്ചിന്‍ യൂണിവേഴ്‌സിറ്റി ഓഫ് സയന്‍സ് ആന്‍ഡ് ടെക്‌നോളജി (കുസാറ്റ്) ബിരുദ, ബിരുദാനന്തര ബിരുദ പ്രോഗ്രാമുകളിലേക്കുള്ള പ്രവേശന പരീക്ഷയുടെ തീയതി പ്രഖ്യാപിച്ചു.കുസാറ്റ് കോമണ്‍ അഡ്മിഷന്‍ ടെസ്റ്റ് (ക്യാറ്റ്) മെയ് 15, 16, 17 തീയതികളില്‍ നടക്കും. അപേക്ഷകര്‍ക്ക് മാര്‍ച്ച്‌ 7 വരെ cusat.ac.in ല്‍ ഓണ്‍ലൈനായി രജിസ്റ്റര്‍ ചെയ്യാം.
ബയോടെക്‌നോളജി, ബോട്ടണി, കെമിക്കല്‍ എഞ്ചിനീയറിംഗ്, കെമിസ്ട്രി, ഇലക്‌ട്രോണിക്‌സ്, മാനേജ്‌മെന്റ് കണ്‍സള്‍ട്ടിംഗ്, മൊബൈല്‍ ഫോണ്‍ ആപ്ലിക്കേഷന്‍ ഡെവലപ്‌മെന്റ്, ബിടെക് പ്രോഗ്രാമുകളിലേക്കുള്ള ലാറ്ററല്‍ എന്‍ട്രി തുടങ്ങിയ വിഷയങ്ങള്‍ക്കാണ് കുസാറ്റ് ക്യാറ്റ് നടത്തുന്നത്.
