പനാജി: ഐഎസ്എല്ലിൽ ചെന്നൈയിൻ എഫ്സിക്കെതിരെ ജംഷഡ്പുർ എഫ്സിക്ക് ആധികാരിക ജയം. ഒന്നിനെതിരെ നാല് ഗോളുകൾക്കായിരുന്നു ജംഷഡ്പുരിന്‍റെ ജയം.
22-ാം മിനിറ്റിൽ റിത്വിക് ദാസിലൂടെയാണ് ജംഷഡ്പുർ ഗോൾ വേട്ടയ്ക്ക് തുടക്കം കുറിച്ചത്. 33-ാം മിനിറ്റിൽ ബോറിസ് സിംഗ് തങ്ജാം ലീഡ് ഉയർത്തി. 39-ാം മിനിറ്റിൽ ഡാനിയൽ ചിമ ചുക്വു വീണ്ടും ചെന്നൈയിന്‍റെ വലകുലുക്കി. 46-ാം മിനിറ്റിൽ ഗ്രെഗ് സ്റ്റുവർട്ട് ജംഷഡ്പുരിന്‍റെ നാലാം ഗോളും നേടി.
61-ാം മിനിറ്റിലാണ് ചെന്നൈയിന്‍റെ ആശ്വാസ ഗോൾ പിറന്നത്. നെറിജസ് വാൽസ്കിസാണ് ചെന്നൈയിനു വേണ്ടി ഗോൾ നേടിയത്.
ജയത്തോടെ ജംഷഡ്പുർ എഫ്സി ലീഗിൽ 31 പോയിന്റുകളുമായി രണ്ടാം സ്ഥാനത്തെത്തി. 20 പോയിന്റുള്ള ചെന്നൈയിൻ എട്ടാം സ്ഥാനത്താണ്.
