തിരുവനന്തപുരം : സ്കൂളുകളില്‍ ഒന്ന് മുതല്‍ ഒമ്ബത് വരെ ക്ലാസുകളിലെ പാഠഭാഗങ്ങള്‍ മാര്‍ച്ച്‌ 31 വരെ പഠിപ്പിക്കാനും ഏപ്രില്‍ ആദ്യവാരം വാര്‍ഷിക പരീക്ഷ നടത്താനും പൊതുവിദ്യാഭ്യാസ മന്ത്രി വി.ശിവന്‍കുട്ടിയുടെ അധ്യക്ഷതയില്‍ ചേര്‍ന്ന ഗുണമേന്മ മേല്‍നോട്ട സമിതി (ക്യു.ഐ.പി) യോഗം തീരുമാനിച്ചു.എസ്.എസ്.എല്‍.സി
ഫെബ്രുവരി 21 മുതല്‍ വിദ്യാലയങ്ങള്‍ പൂര്‍ണമായി പ്രവൃത്തിക്കുന്നതിന്‍റെ മുന്നോടിയായി ജില്ല കലക്ടര്‍മാര്‍, ജില്ല പഞ്ചായത്ത് പ്രസിഡന്‍റുമാര്‍ എന്നിവരുടെ നേതൃത്വത്തില്‍ അവലോകന യോഗം ചേരും.21നകം സ്കൂളുകളില്‍ പി.ടി.എ യോഗവും ക്ലാസ് പി.ടി.എകളും ചേരും. ഫെബ്രുവരി 21 മുതല്‍ ഓണ്‍ലൈന്‍ ക്ലാസ് നിര്‍ബന്ധമല്ല. ആവശ്യമുള്ളവര്‍ക്ക് ഓണ്‍ലൈന്‍ ക്ലാസ് എടുക്കാം.അസുഖംമൂലം ക്ലാസില്‍ വരാത്ത കുട്ടികള്‍ക്ക് അധ്യാപകര്‍ പഠന പിന്തുണ നല്‍കണം. വിക്ടേഴ്സ് ചാനല്‍ വഴിയുള്ള ക്ലാസുകള്‍ തുടരും.
ശനിയാഴ്ച പ്രവൃത്തി ദിവസമാക്കിയ ഉത്തരവില്‍ വ്യക്തത വരുത്തുമെന്നും കോവിഡ് സാഹചര്യത്തില്‍ ഫെബ്രുവരി, മാര്‍ച്ച്‌ മാസങ്ങളിലെ ശനിയാഴ്ചകള്‍ മാത്രമായിരിക്കും സ്കൂളുകള്‍ പ്രവര്‍ത്തിക്കുകയെന്നും മന്ത്രി വ്യക്തമാക്കി
