പത്തനംതിട്ട: കല്ലൂപ്പാറയിൽ കരാറുകാരന്റെ ക്രൂരമർദനത്തിൽ തൊഴിലാളി കൊല്ലപ്പെട്ടു. കൂലി സംബന്ധിച്ച തർക്കത്തിനിടെയാണ് തമിഴ്‌നാട് മാർത്താണ്ഡം സ്വദേശി സ്റ്റീഫൻ(40) കൊല്ലപ്പെട്ടത്. കരാറുകാരൻ മാർത്താണ്ഡം സ്വദേശി സുരേഷും കൂട്ടാളി ആൽബിൻ ജോസും ചേർന്നാണ് സ്റ്റീഫനെ മർദിച്ചത്.
ഗുരുതരമായി പരുക്കേറ്റ സ്റ്റീഫനെ ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെയോടെ മരിച്ചു.
മുമ്പ് ജോലി ചെയ്ത വകയിൽ സുരേഷിൽ നിന്ന് സ്റ്റീഫന് പണം ലഭിക്കാനുണ്ടായിരുന്നു. ഇത് ചോദിച്ച് സ്റ്റീഫൻ വ്യാഴാഴ്ച രാത്രി കല്ലൂപ്പാറയിലെ വീട്ടിലെത്തി. തുടർന്ന് ഇരുവരും തമ്മിൽ വാക്കേറ്റമുണ്ടാകുകയും ചെയ്തു. തുടർന്ന് സുരേഷ് സ്റ്റീഫനെ മർദ്ദിച്ചു. അടിയേറ്റ് ബോധരഹിതനായി നിലത്ത് വീണ സ്റ്റീഫനെ സുരേഷും ആൽബിനും ചേർന്നാണ് ആശുപത്രിയിൽ എത്തിച്ചത്.
കരാറുകാരനായ സുരേഷിനെയും, കൂടാളി ജോസിനെയും പോലീസ് പിടികൂടിയിട്ടുണ്ട്.
