വര്‍ഷങ്ങളായി ടിപിഎം സഭാ വിശ്വാസികളാണ് മാത്യൂസും കുടുംബവും. എന്നാല്‍ ഒപ്പം പഠിച്ചിരുന്ന ഹിന്ദു യുവതിയെ പ്രണയിക്കുകയും രജിസ്റ്റർ വിവാഹം ചെയ്യുകയും ചെയ്ത മാത്യൂസ് അന്നുമുതൽ ആരാധനകളിലൊന്നും പങ്കെടുക്കാറില്ലായിരുന്നു.കഴിഞ്ഞ ദിവസമാണ് മാത്യൂസ് അപകടത്തിൽ മരിച്ചത്.അതോടെ ശവസംസ്കാര ശുശ്രൂഷകൾ പോയിട്ട് മൃതദേഹം പോലും സെമിത്തേരിയിലേക്ക് കടക്കാന്‍ അനുവദിക്കില്ലെന്ന നിലപാടായിരുന്നു സഭാ നേതൃത്വത്തിന്റേത്.ജനപ്രതിനിധികള്‍ ഉള്‍പ്പെടെയുള്ളവര്‍ വിഷയത്തില്‍ ഇടപെട്ടെങ്കിലും സഭാ നേതൃത്വം പരിഹാരത്തിന് വഴങ്ങാന്‍ തയ്യാറായില്ല എന്നാണ് ആരോപണം.മൃതദേഹം ഇപ്പോഴും മോർച്ചറിയിൽ സൂക്ഷിച്ചിരിക്കുകയാണെന്നാണ് വിവരം.
