ഒന്നിനു പിറകെ ഒന്നായി പ്രശ്നങ്ങൾ പോലീസിനെ വേട്ടയാടുകയാണ്.കിറ്റെക്സിലെ അതിഥി തൊഴിലാളികളുടെ അക്രമവും തൊട്ടുപിറ്റേന്ന് പന്തളത്ത് എസ്ഐയുടെ കാല് തല്ലിയൊടിച്ചതും ഇന്നലെ ഡച്ച് പൗരന്റെ മദ്യം ബില്ലില്ലെന്ന കാരണത്താൽ കുപ്പിയിൽ നിന്ന് റോഡ് സൈഡിൽ ഒഴിപ്പിച്ച് പുലിവാല് പിടിച്ചതുമൊക്കെ ഇതിന്റെ ഏതാനും ചില ഉദാഹരണങ്ങൾ മാത്രം.ഇപ്പോൾ ഇതാ ഓടിക്കൊണ്ടിരുന്ന പൊലീസ് ജീപ്പിനും തീയും പിടിച്ചു.കായങ്കുളത്താണ് സംഭവം.
ആലപ്പുഴയിൽനിന്ന് കായംകുളം സ്റ്റേഷനിലേക്ക് വന്ന വാഹനത്തി‍െൻറ മുൻവശത്ത് ഡ്രൈവറുടെ ഭാഗത്തെ ടയറിനാണ് തീപിടിച്ചത്. വെള്ളിയാഴ്ച രാവിലെ 11.30നായിരുന്നു സംഭവം. ഉടൻ സ്ഥലത്തെത്തിയ അഗ്നിരക്ഷാസംഘമാണ് തീയണച്ച് വാഹനം റോഡിൽനിന്ന് ഒരുവശത്തേക്ക് മാറ്റിയത്.ഇതേത്തുടർന്ന് അരമണിക്കൂറോളം കെ.പി റോഡിൽ ഗതാഗതവും തടസ്സപ്പെട്ടു.
