കോഴിക്കോട്: മില്‍മയുടെ സൂപ്പര്‍ റിച്ച് പാല്‍ വിപണിയിലിറക്കി. കോഴിക്കോട് ഡയറിയില്‍ നിന്നാണ് പാല്‍ പുറത്തിറക്കിയത്. അഞ്ച് ശതമാനം കൊഴുപ്പും ഒന്‍പത് ശതമാനം കൊഴുപ്പിതര ഖരപഥാര്‍ത്ഥങ്ങളും ഉള്ളതാണ് സൂപ്പര്‍ റിച്ച് പാലെന്ന് സീനിയര്‍ മാനേജര്‍ ഷാജിമോന്‍ അറിയിച്ചു.
ഹോമോജനൈസ്ഡ് ചെയ്ത ഈ പാലില്‍ നിന്നും കൂടുതല്‍ ചായയും രുചികരമായ പായസവും തയ്യാറാക്കാം. ഒരു ലിറ്റര്‍, 525 മില്ലി ലിറ്റര്‍ പായ്ക്കുകളില്‍ ലഭ്യമാണ്. ലിറ്ററിന് 55 രൂപയും 525 എംഎല്ലിന് 30 രൂപയുമാണ് വില. സൂപ്പര്‍ റിച്ച് പാല്‍ ഇന്നു മുതല്‍ മില്‍മ ബൂത്തുകളില്‍ ലഭിക്കും.
