IndiaLead NewsNEWS

സ്‌കൂളിലെ ശൗചാലയത്തിന്റെ ഭിത്തി തകര്‍ന്നുവീണ് 3 കുട്ടികള്‍ മരിച്ചു

തെന്മല: തിരുനെല്‍വേലിയില്‍ സ്‌കൂളിലെ ശൗചാലയത്തിന്റെ ഭിത്തി തകര്‍ന്നുവീണ് 3 കുട്ടികള്‍ മരിച്ചു. അന്‍പഴകന്‍ (14), വിശ്വരഞ്ജന്‍ (13), സുധീഷ് (11) എന്നിവരാണ് മരിച്ചത്.

തിരുനെല്‍വേലി നഗരത്തിലെ സാപ്റ്റര്‍ ഹയര്‍ സെക്കന്‍ഡറി സ്‌കൂളിലെ ശൗചാലയത്തിന്റെ ഭിത്തിയാണ് തകര്‍ന്നുവീണത്. വെള്ളിയാഴ്ച രാവിലെ 10.50-ന് സ്‌കൂള്‍ ഇടവേളയ്ക്കിടയായിരുന്നു സംഭവം. മരിച്ച മൂന്നു കുട്ടികള്‍ ഉള്‍പ്പെടെ നിരവധി പേര്‍ ശൗചാലയത്തിലേക്ക് പോകുകയായിരുന്നു. ഈ സമയം ഭിത്തി തകര്‍ന്ന് കുട്ടികളുടെ ദേഹത്തേയ്ക്ക് വീഴുകയായിരുന്നു.

സംഭവസ്ഥലത്തുവെച്ചും ആശുപത്രിയില്‍ കൊണ്ടു പോകുന്നതിനിടയിലുമാണ് കുട്ടികള്‍ മരിച്ചത്. കനത്ത മഴയില്‍ ഭിത്തി നനഞ്ഞിരുന്നതും മുന്‍പ് പൊട്ടല്‍ ഉണ്ടായിരുന്നതുമാണ് അപകടത്തിലേക്ക് നയിച്ചത് എന്നാണ് പ്രാഥമിക സൂചന

Leave a Reply

Your email address will not be published. Required fields are marked *

Back to top button
error: