റെയിൽവേ ഇരട്ടപ്പാത പൂർത്തിയാകുന്നു;കോട്ടയത്തിനു നേട്ടങ്ങളേറെ

രണ്ടാം പാത പൂർത്തിയായാൽ ട്രെയിനുകളുടെ യാത്രാ സമയത്തിലും വിത്യാസമുണ്ടാകും.കുറഞ്ഞത് ഒരു മണിക്കൂർ വരെ ലാഭമുണ്ടാകും എന്നാണ് കരുതപ്പെടുന്നത്.കൂടുതൽ ട്രെയിനുകളും അനുവദിക്കപ്പെട്ടേക്കാം.പാസഞ്ചർ ട്രെയിനുകൾക്കുള്ള പ്രത്യേക പ്ലാറ്റ്ഫോം അടക്കം 6 പ്ലാറ്റ്ഫോമുകൾ കോട്ടയം റെയിൽവേ സ്റ്റേഷനിൽ സജ്ജമാകുന്നതോടെ ഇതുവഴി കൂടുതൽ സർവ്വീസുകളും ആവശ്യപ്പെടാവുന്നതാണ്.കോട്ടയം-സേലം, കോട്ടയം-വേളാങ്കണ്ണി, കോട്ടയം-മംഗലാപുരം, കോട്ടയം-ബംഗളൂരു ഉൾപ്പടെ പ്രതിദിന സർവീസുകൾക്കും ഇതോടെ സാധ്യതയേറിയിട്ടുണ്ട്.കോട്ടയം കേന്ദ്രീകരിച്ചു മെമു സർവീസിനുള്ള സാധ്യതയും ആരായാം.