പ്രമുഖ നടൻ ഭീമൻ രഘു സിനിമാ സംവിധായകനും, ഗായകനുമായി അരങ്ങേറി.ചാണ എന്ന് പേരിട്ട ചിത്രത്തിലാണ് ഭീമൻ രഘു സംവിധായകനായും, ഗായകനായും അരങ്ങേറുന്നത്.ആദ്യമാണ് ഭീമൻ രഘു ഒരു സിനിമാ സംവിധായകനാകുന്നതും, സിനിമയിൽ ഒരു ഗാനം ആലപിക്കുന്നതും.
എസ്.എം.ആർ ഫിലിംസിനു വേണ്ടി രഘു കായംകുളം, സുരേഷ് കായംകുളം, തടിയൂർ കലേഷ് കുമാർ എന്നിവർ നിർമ്മിക്കുന്ന ചാണയുടെ കഥ, തിരക്കഥ, സംഭാഷണം അജി അയലറ നിർവ്വഹിക്കുന്നു. ഡി.ഒ.പി -ജറിൻ ജയിംസ്, ഗാനരചന – കത്രീന വിജിമോൾ, ലെജിൻ ചെമ്മാനി, സംഗീതം – മുരളി അപ്പാടത്ത്, ആലാപനം – ഭീമൻ രഘു, മുരളിപ്പാടത്ത്, എഡിറ്റർ -ഷെബിൻ ജോൺ, പി.ആർ.ഒ- അയ്മനം സാജൻ
ഭീമൻ രഘു പ്രധാന വേഷത്തിലെത്തുന്ന ചിത്രത്തിൽ, പ്രമുഖ താരങ്ങളോടൊപ്പം പുതുമുഖങ്ങളും വേഷമിടുന്നു.ഡിസംബറിൽ കായംകുളം, പുനലൂർ, തെന്മല എന്നിവിടങ്ങളിലായി ചിത്രീകരണം തുടങ്ങും.
