തിരുവനന്തപുരം: ദത്തുവിവാദ കേസ് കുടുംബക്കോടതി ഇന്ന് പരിഗണിച്ചേക്കും. എത്രയും വേഗം കേസ് പരിഗണിക്കണമെന്ന സർക്കാർ ആവശ്യത്തിൽ ഇന്ന് ഉച്ചയ്ക്കുശേഷം കോടതി നിലപാട് അറിയിക്കും. ഡിഎൻഎ പരിശോധനാ ഫലം അനുപമയ്ക്ക് അനുകൂലമായ സാഹചര്യത്തിൽ എത്രയും വേഗം കുട്ടിയെ കൈമാറാനുള്ള നടപടികൾ സ്വീകരിക്കാനാണ് ഗവൺമെന്റ് പ്ലീഡറോട് സർക്കാർ നിർദേശിച്ചിരിക്കുന്നത്. ഡിഎൻഎ ഫലം ഗവൺമെന്റ് പ്ലീഡർ ഇന്ന് കോടതിയിൽ സമർപിക്കും. വനിതാ–ശിശു വികസന വകുപ്പ് ഡയറക്ടർ സർക്കാരിന് റിപ്പോർട്ട് നൽകിയിട്ടുണ്ട്.
