NEWS

ബിജെപിക്കെതിരെ രണ്ടും കൽപ്പിച്ച് ശിവസേന, യുപിഎയിൽ ചേരാനും തയ്യാർ

ബിജെപിക്കെതിരെ ഏതറ്റം വരെയും പോകാൻ തയ്യാറെന്ന സൂചനകളുമായി ശിവസേന. ബിജെപി വിരുദ്ധ പാർട്ടികൾ യു പി എയ്ക്ക് കീഴിൽ ഒരുമിച്ചു അണിനിരക്കണമെന്ന് ശിവസേന ആവശ്യപ്പെട്ടു. യുപിഎയിലേയ്ക്ക് നീങ്ങാനുള്ള സന്നദ്ധത ശിവസേന പ്രകടിപ്പിച്ചു. എൻ ഡി എ വിട്ടെങ്കിലും ഇപ്പോഴും യു പി എയിൽ അംഗമല്ല ശിവസേന.

“രാഹുൽഗാന്ധി സ്വന്തംനിലയ്ക്ക് പോരാടുന്നുണ്ട്.എന്നാൽ അതിൽ പോരായ്മകളുണ്ട്. സന്നദ്ധ സംഘടന പോലെയാണ് യുപിഎ പ്രവർത്തനം നടത്തുന്നത്. കർഷക പ്രക്ഷോഭത്തിൽ പോലും സർക്കാരിന് മേൽ സമ്മർദ്ദം ചെലുത്താൻ യുപിഎയ്ക്ക് ആകുന്നില്ല. ” ശിവസേന മുഖപത്രമായ സാമ്നയിലെ ലേഖനത്തിൽ പാർട്ടി ചൂണ്ടിക്കാട്ടി.

” എൻ സി പി അധ്യക്ഷൻ ശരത്പവാർ ദേശീയതലത്തിൽ അംഗീകാരമുള്ള നേതാവാണ്. തൃണമൂൽ കോൺഗ്രസ്, ശിവസേന,ബിഎസ്പി,സമാജ് വാദി പാർട്ടി, അകാലിദൾ,വൈഎസ്ആർ കോൺഗ്രസ്, ജനതാദൾ-എസ്, തെലങ്കാന രാഷ്ട്ര സമിതി, ബിജു ജനതാദൾ എന്നീ പാർട്ടികളെല്ലാം ബിജെപിയെ ശക്തമായി എതിർക്കുന്നവരാണ്. ഈ പാർട്ടികളെല്ലാം ചേർന്ന് യുപിഎയെ ശക്തിപ്പെടുത്തണം. ” ശിവസേന ആവശ്യപ്പെട്ടു.

കേന്ദ്രവും സംസ്ഥാനങ്ങളും തമ്മിലുള്ള ഭിന്നത ശിവസേന ആശങ്കയോടെ കാണുന്നു. സംസ്ഥാനങ്ങൾ ഇന്ത്യയിൽ നിന്ന് വിഘടിക്കുന്ന കാലം അകലെയല്ല എന്നാണ് ശിവസേന അഭിപ്രായപ്പെടുന്നത്.

Related Articles

Leave a Reply

Your email address will not be published. Required fields are marked *

Back to top button