• Crime

    ക്ഷേത്രങ്ങളില്‍ മോഷണം നടത്തുന്ന കുട്ടിക്കള്ളന്മാര്‍ പിടിയില്‍; ചില്ലറ നോട്ടാക്കിയതോടെ കുടുങ്ങി

    തിരുവന്തപുരം: നെടുമങ്ങാട്ടെയും പരിസരങ്ങളിലെയും ക്ഷേത്രങ്ങളില്‍ സ്ഥിരമായി മോഷണം നടത്തിയിരുന്ന സംഘം ഒടുവില്‍ പോലീസിന്റെ വലയിലായി. ഒരുമാസമായി പോലീസിനെ വട്ടംചുറ്റിച്ച കേസിലാണ് മൂന്നുപേര്‍ അറസ്റ്റിലായത്. ഇരിഞ്ചയം വേട്ടംപള്ളി കിഴക്കുംകരവീട്ടില്‍ രഞ്ജിത്ത് (20) ആണ് സംഘത്തിലെ പ്രധാനി. കൂടെയുണ്ടായിരുന്ന രണ്ടുപേര്‍ 16 വയസിന് താഴെയുള്ളവരാണ്. ഇവര്‍ നേരത്തെ തന്നെ ജുവനൈല്‍ ജസ്റ്റിസ് ആക്ടില്‍പ്പെട്ട് ശിക്ഷയനുഭവിച്ചിട്ടുള്ളവരാണ്. ഇവരുടെ പേരില്‍ ആറു കേസുകള്‍ നിലവിലുണ്ട്. ഒരേക്ഷേത്രത്തില്‍ത്തന്നെ മൂന്നുവട്ടം മോഷണം നടന്നതോടെ വലിയ ആക്ഷേപങ്ങള്‍ക്കിട നല്‍കിയിരുന്നു. പാങ്കാവ് ധര്‍മശാസ്താക്ഷേത്രത്തിലെ ശ്രീകോവിലിനകത്ത് സൂക്ഷിച്ചിരുന്ന കാണിക്കവഞ്ചി കോവില്‍ കുത്തിത്തുറന്ന് 4000 രൂപ മോഷ്ടിച്ചുകൊണ്ടായിരുന്നു മണ്ഡലകാലത്ത് സംഘത്തിന്റെ മോഷണ പരമ്പരയ്ക്ക് തുടക്കം. മൂഴിമണ്ണയില്‍ ദേവീക്ഷേത്രം, കൈപ്പള്ളി തമ്പുരാന്‍ ക്ഷേത്രം, തിരിച്ചിറ്റൂര്‍ മഹാദേവ ശിവക്ഷേത്രം, കരിമ്പിന്‍കാവ് ധര്‍മശാസ്താക്ഷേത്രം, താന്നിമൂട് തിരിച്ചിട്ടപ്പാറ ഹനുമാന്‍ സ്വാമിക്ഷേത്രം എന്നിവിടങ്ങളിലും പ്രതികള്‍ മോഷണം നടത്തിയിരുന്നു. മോഷണം നടത്തിയ പണം16 വയസിന് താഴെയുള്ള കുട്ടിയുടെ വീട്ടിലാണ് സൂക്ഷിച്ചിരുന്നത്. ഈ കുട്ടിയുടെ വീട്ടില്‍ പോലീസെത്തുമ്പോള്‍ ഒരു പ്ലാസ്റ്റിക് ചാക്കില്‍ നിറയെ നാണയങ്ങള്‍ കെട്ടി…

    Read More »
  • Crime

    കോട്ടും ഹെല്‍മറ്റും ധരിച്ചെത്തി പ്ലഗ് അഴിച്ചുമാറ്റി തുടര്‍ച്ചയായി ബൈക്ക് മോഷണം; ‘യുവ മോഷ്ടാവ്’ പിടിയില്‍

    കല്‍പ്പറ്റ: ഏഴു ബൈക്കുകള്‍ മോഷ്ടിച്ച് ആറെണ്ണം പൊളിച്ച് വില്‍പ്പന നടത്തിയ യുവാവ് അറസ്റ്റില്‍. ബീനാച്ചി കട്ടയാട് റൊട്ടിക്കടയില്‍ വീട്ടില്‍ എം ഷഫീഖ് (29) ആണ് ബത്തേരി പോലീസിന്റെ പിടിയിലായത്. അഞ്ചു മാസത്തിനിടെയാണ് യുവാവ് ബൈക്കുകള്‍ മോഷ്ടിച്ചതെന്ന് പോലീസ് പറയുന്നു. ജൂലൈയിലും ഒക്ടോബര്‍ 16നും ബത്തേരി കെഎസ്ആര്‍ടിസി പരിസരത്തു നിന്നും ഓഗസ്റ്റ് 24, സെപ്റ്റംബര്‍ 13, ഒക്ടോബര്‍ 10, 16, 31 തീയതികളില്‍ ബത്തേരി താലൂക്ക് ആശുപത്രി പരിസരത്തു നിന്നും കഴിഞ്ഞ ഒക്ടോബര്‍ 24ന് പനമരം ബിവറേജസ് ഔട്ട്‌ലെറ്റിന് മുന്‍പില്‍ നിന്നുമാണ് ഇയാള്‍ ബൈക്കുകള്‍ മോഷ്ടിച്ചത്. അന്വേഷണത്തിനിടെ ബൈക്ക് മോഷണ പോയ സ്ഥലങ്ങളില്‍ പലയിടത്തും ഹെല്‍മറ്റും കോട്ടും ധരിച്ച് നടന്നു നീങ്ങുന്ന ആളെ സിസി ടിവികളില്‍ കണ്ടെത്തി. പക്ഷേ മുഖം വ്യക്തമായിരുന്നില്ല. എന്നാല്‍, ഹെല്‍മറ്റ് പ്രത്യേക നിറത്തിലുള്ളതായിരുന്നു. ഇതേ ഹെല്‍മറ്റ് ധരിച്ച് കോളിയാടിയിലൂടെ ബൈക്കില്‍ പോകുന്ന ദൃശ്യങ്ങള്‍ വ്യക്തമായതോടെ ഷഫീഖിലേക്ക് അന്വേഷണമെത്തി. അയാളുടെ വീട്ടില്‍ നിന്ന് ഹെല്‍മറ്റ് കൂടി കണ്ടെടുത്തതോടെ സ്റ്റേഷനിലേക്ക് വിളിച്ചു…

    Read More »
  • Crime

    കിളികൊല്ലൂര്‍ കേസില്‍ പോലീസിനെ വെള്ളപൂശി റിപ്പോര്‍ട്ട്; ‘സഹോദരങ്ങളെ മര്‍ദിച്ചതിന് സാക്ഷികളില്ല’

    കൊല്ലം: കിളികൊല്ലൂര്‍ കേസില്‍ ഉദ്യോഗസ്ഥരെ വെള്ളപൂശി പോലീസ് റിപ്പോര്‍ട്ട്. സൈനികന്‍ വിഷ്ണുവിനും സഹോദരന്‍ വിഘ്നേഷിനും പോലീസ് സ്റ്റേഷനില്‍നിന്ന് മര്‍ദനമേറ്റെന്ന് കൊല്ലം സിറ്റി പോലീസ് കമ്മിഷണര്‍ മെറിന്‍ ജോസഫ് മനുഷ്യാവകാശ കമ്മിഷന് റിപ്പോര്‍ട്ട് സമര്‍പ്പിച്ചു. എന്നാല്‍ മര്‍ദിച്ചത് ആരാണെന്ന് അറിയില്ലെന്നാണ് റിപ്പോര്‍ട്ടിലുള്ളത്. വിഷ്ണുവിന്റെ സഹോദരന്‍ വിഘ്നേഷാണ് മനുഷ്യാവകാശ കമ്മിഷനില്‍ പരാതി നല്‍കിയിരുന്നത്. ഇതേത്തുടര്‍ന്ന് പോലീസിനോട് 15 ദിവസത്തിനകം റിപ്പോര്‍ട്ട് സമര്‍പ്പിക്കാന്‍ മനുഷ്യാവകാശ കമ്മിഷന്‍ ആവശ്യപ്പെടുകയായിരുന്നു. ഇതിന്റെ അടിസ്ഥാനത്തിലാണ് ഇപ്പോള്‍ പോലീസിനെ വെള്ളപൂശി റിപ്പോര്‍ട്ട് സമര്‍പ്പിച്ചിരിക്കുന്നത്. ഇവര്‍ക്ക് പോലീസ് സ്റ്റേഷന് പുറത്തുവെച്ചാണ് മര്‍ദനമേറ്റതെന്നായിരുന്നു കിളികൊല്ലൂര്‍ സ്റ്റേഷനിലെ പോലീസ് ഉദ്യോഗസ്ഥര്‍ നേരത്തേ മാധ്യമങ്ങളോട് പറഞ്ഞിരുന്നത്. എന്നാല്‍, ആ വാദം തെറ്റാണെന്ന് റിപ്പോര്‍ട്ടില്‍ വ്യക്തമാക്കുന്നു. മര്‍ദനമേറ്റു എന്നു പറഞ്ഞ സ്ഥലത്ത് സ്പെഷ്യല്‍ ബ്രാഞ്ച് ഉദ്യോഗസ്ഥര്‍ പരിശോധന നടത്തിയെങ്കിലും സാധൂകരിക്കുന്ന തെളിവുകളൊന്നും ലഭിച്ചില്ല. അതിനാല്‍ത്തന്നെ പോലീസ് സ്റ്റേഷനില്‍വെച്ചുതന്നെയാണ് മര്‍ദനമേറ്റതെന്ന് റിപ്പോര്‍ട്ടില്‍ പറയുന്നു. അതേസമയം, സ്റ്റേഷനില്‍വെച്ച് മര്‍ദിച്ചതിന് സാക്ഷികളില്ലെന്നും റിപ്പോര്‍ട്ട് സാക്ഷ്യപ്പെടുത്തുന്നു. എം.ഡി.എം.എ. കേസില്‍ അകത്തായ ആളെ ജാമ്യത്തിലിറക്കാനായി വിഘ്നേഷിനെ…

    Read More »
  • Crime

    മകനും സുഹൃത്തുക്കളും തമ്മില്‍ തര്‍ക്കം; ഇടപെട്ട അച്ഛന്‍ അടിയേറ്റ് മരിച്ചു

    ഇടുക്കി: മകനും സുഹൃത്തുക്കളും തമ്മിലുള്ള തര്‍ക്കത്തില്‍ ഇടപെട്ട അച്ഛന്‍ അടിയേറ്റ് മരിച്ചു. കട്ടപ്പന നിര്‍മല സിറ്റിയിലെ രാജു (47) ആണ് മരിച്ചത്. രാജുവിന്റെ മകന്‍ രാഹുലിന്റെ സുഹൃത്തുക്കളായ വാഴവര സ്വദേശി ഹരികുമാര്‍ (28), കാരിക്കുഴിയില്‍ ജോബി (25) എന്നിവര്‍ പിടിയിലായി. തര്‍ക്കത്തിനിടെ ഹരികുമാറിനും പരുക്കേറ്റിരുന്നു. ഇയാള്‍ ഇടുക്കി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. രാഹുലിന്റെ ബൈക്ക് സുഹൃത്തുക്കള്‍ കൊണ്ടുപോയതുമായി ബന്ധപ്പെട്ടാണ് തര്‍ക്കമുണ്ടായത്. ബൈക്ക് അപകടത്തില്‍ പെടുകയും കേടുപാടുണ്ടാവുകയും ചെയ്തു. ബൈക്ക് നന്നാക്കാന്‍ 5000 രൂപ നല്‍കാമെന്ന് രാഹുല്‍ പറഞ്ഞിരുന്നു. ഇതു ചോദിച്ച് സുഹൃത്തുക്കള്‍ എത്തിയപ്പോഴാണ് തര്‍ക്കമുണ്ടായത്. ഇരുവരും മദ്യലഹരിയിലായിരുന്നുവെന്നാണ് വിവരം. രാജുവിന്റെ മൃതദേഹം കട്ടപ്പനയിലെ സ്വകാര്യ ആശുപത്രി മോര്‍ച്ചറിയില്‍.  

    Read More »
  • Kerala

    ഏകീകൃത കുര്‍ബാനയെ ചൊല്ലി ആര്‍ച്ച് ബിഷപ്പിനെ തടഞ്ഞു; സെന്റ് മേരീസ് ബസലിക്കയില്‍ സംഘര്‍ഷം

    കൊച്ചി: എറണാകുളം അങ്കമാലി അതിരൂപതയില്‍ ഏകീകൃത കുര്‍ബാനയ്ക്കെതിരേ പ്രതിഷേധം. അതിരൂപതയുടെ ആസ്ഥാനം കൂടിയായ സെന്റ്മേരീസ് ബസലിക്കയില്‍ കുര്‍ബാന അര്‍പ്പിക്കാന്‍ എത്തിയ അഡ്മിനിസ്ട്രേറ്റര്‍ ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്തിനെ പ്രതിഷേധക്കാര്‍ തടഞ്ഞു. ഏകീകൃതകുര്‍ബാനയെ അനുകൂലിക്കുന്നവരും സ്ഥലത്ത് തടിച്ചുകൂടി. കുര്‍ബാനയര്‍പ്പിക്കാന്‍ മാര്‍ ആന്‍ഡ്രൂസ് താഴത്ത് എത്തുമെന്ന വിവരം ലഭിച്ചതിനെത്തുടര്‍ന്ന് ഏകീകൃത കുര്‍ബാനയെ എതിര്‍ക്കുന്നവര്‍ ശനിയാഴ്ച രാത്രിയോടെ തന്നെ ബസലിക്കയുടെ മുറ്റത്ത് എത്തിച്ചേര്‍ന്നിരുന്നു. ഇവര്‍ പള്ളിയുടെ ഗേറ്റ് ഉള്ളില്‍ നിന്ന് അടച്ചിരുന്നു. ആര്‍ച്ച് ബിഷപ്പ് എത്തിയതോടെ ഏകീകൃത കുര്‍ബാനയെ എതിര്‍ക്കുന്നവര്‍ പ്രതിഷേധിക്കുകയും അനുകൂലിക്കുന്നവര്‍ കൈയ്യടിച്ച് അദ്ദേഹത്തെ സ്വീകരിക്കുകയുമായിരുന്നു. ആര്‍ച്ച് ബിഷപ്പിനെ പള്ളിയിലേക്ക് കടത്തിവിടാന്‍ പോലീസ് ശ്രമിക്കുകയും അദ്ദേഹത്തെ അനുകൂലിക്കുന്നവര്‍ ഈ ആവശ്യവുമായി എത്തുകയും ചെയ്തതോടെയാണ് ബസലിക്കയ്ക്ക് മുന്നില്‍ സംഘര്‍ഷാവസ്ഥ രൂപപ്പെട്ടത്. ആര്‍ച്ച് ബിഷപ്പിനെതിരേ പ്ലക്കാര്‍ഡുകള്‍ ഉയര്‍ത്തിയും മുദ്രാവാക്യം വിളിച്ചും ഏകീകൃത കുര്‍ബാനയെ എതിര്‍ക്കുന്നവര്‍ പ്രതിഷേധിച്ചു. ഇതോടെ വിശ്വാസികളും പോലീസും തമ്മില്‍ ഉന്തും തള്ളുമുണ്ടായി. ആര്‍ച്ച് ബിഷപ്പിനെ അനുകൂലിക്കുന്നവര്‍ അതിരൂപതാ ആസ്ഥാനത്തേക്ക് ഗേറ്റ് ചവിട്ടിപ്പൊളിച്ച് തള്ളിക്കയറുകയായിരുന്നു.…

    Read More »
  • India

    പോലീസിനെതിരേ കൈയേറ്റം; ഗവര്‍ണര്‍ ആരിഫ് മുഹമ്മദ് ഖാന്റെ സഹോദരന്‍ അറസ്റ്റില്‍

    ന്യൂഡല്‍ഹി: പോലീസ് ഉദ്യോഗസ്ഥനെ കൈയേറ്റം ചെയ്‌തെന്ന കേസില്‍ കോണ്‍ഗ്രസ് മുന്‍ എം.എല്‍.എയും കേരള ഗവര്‍ണര്‍ ആരിഫ് മുഹമ്മദ് ഖാന്റെ സഹോദരനുമായ ആസിഫ് മുഹമ്മദ് ഖാനെ ഡല്‍ഹി പോലീസ് അറസ്റ്റ് ചെയ്തു. തെരഞ്ഞെടുപ്പു കമ്മിഷന്റെ അനുമതിയില്ലാതെ ജാമിയ നഗറില്‍ യോഗം നടത്തുകയും ഇതു തടയാന്‍ ശ്രമിച്ച ഉദ്യോഗസ്ഥനെ കൈയേറ്റം ചെയ്യുകയും മോശമായി പെരുമാറുകയും ചെയ്‌തെന്ന പരാതിയിലാണ് അറസ്റ്റ്്. അനുമതിയെക്കുറിച്ച് പോലീസ് ഉദ്യോഗസ്ഥന്‍ ചോദിച്ചപ്പോള്‍, ആസിഫ് മുഹമ്മദ് അക്രമാസക്തനാകുകയും എസ്.ഐയോട് മോശമായി പെരുമാറുകയുമായിരുന്നുവെന്ന് പോലീസ് അറിയിച്ചു. അടുത്തമാസം ഡല്‍ഹി കോര്‍പറേഷനിലേക്ക് നടക്കുന്ന തെരഞ്ഞെടുപ്പില്‍ ആസിഫ് മുഹമ്മദ് ഖാന്റെ മകള്‍ ആരിബ ഖാന്‍ ഷഹീന്‍ബാഗിലെ കോണ്‍ഗ്രസ് സ്ഥാനാര്‍ത്ഥിയാണ്. തെരഞ്ഞെടുപ്പ് പ്രചരണത്തിന്റെ ഭാഗമായി നടന്ന പൊതുപരിപാടിക്കിടെയായിരുന്നു സംഭവം. എന്നാല്‍, ഇതിന് അനുമതിയില്ലെന്ന് ചൂണ്ടിക്കാണിച്ചാണ് പോലീസ് ഇടപെട്ടത്. ആസിഫ് മുഹമ്മദിനൊപ്പം രണ്ട് പേരെ കൂടി കസ്റ്റഡിയിലെടുത്തിട്ടുണ്ട്. അതേസമയം, പണം നല്‍കി വോട്ടര്‍മാരെ സ്വാധീനിക്കാനുള്ള ആംആദ്മി പ്രവര്‍ത്തകരുടെ ശ്രമം തടയാനെത്തിയപ്പോള്‍ പോലീസ് ഇടപെട്ടെന്നാണ് ആസിഫിന്റെ പ്രതികരണം.ഡല്‍ഹി കോര്‍പറേഷനിലെ 250 വാര്‍ഡുകളിലേക്കുള്ള…

    Read More »
  • Kerala

    വിഴിഞ്ഞം സംഘര്‍ഷത്തില്‍ വൈദികരടക്കമുള്ളവര്‍ക്കെതിരേ കേസ്; വധശ്രമം ഉള്‍പ്പെടെ വകുപ്പുകള്‍ ചുമത്തി

    തിരുവനന്തപുരം: വിഴിഞ്ഞം തുറമുഖ നിര്‍മാണത്തെ എതിര്‍ക്കുന്നവരും അനുകൂലിക്കുന്നവരും തമ്മില്‍ ശനിയാഴ്ച ഉണ്ടായ സംഘര്‍ഷത്തില്‍ പോലീസ് കേസെടുത്തു. തുറമുഖ നിര്‍മാണത്തെ എതിര്‍ക്കുന്ന സമരസമിതിക്കെതിരേ ഒന്‍പത് കേസുകള്‍ എടുത്തു. മോണ്‍സിഞ്ഞോര്‍ യൂജിന്‍ പെരേര ഉള്‍പ്പെടെയുള്ള വൈദികരെ പ്രതിചേര്‍ത്ത് വധശ്രമം, കലാപാഹ്വാനം, ഗൂഢാലോചന തുടങ്ങിയ വകുപ്പുകള്‍ ചുമത്തിയാണ് കേസെടുത്തത്. അതേസമയം, തുറമുഖ നിര്‍മാണത്തെ അനുകൂലിക്കുന്ന ജനകീയ സമരസമിതിക്കെതിരേയും കേസെടുത്തു എടുത്തു. ലഭിക്കുന്ന പരാതികള്‍ പ്രകാരമാണ് കേസെടുത്തതെന്ന് പോലീസ് അറിയിച്ചു. അതിജീവന സമരത്തെ പ്രകോപിപ്പിച്ചതാണ് സംഘര്‍ഷത്തിനു കാരണമെന്ന് യൂജിന്‍ പെരേര പറഞ്ഞു. ഒരു വിഭാഗം കല്ലെറിയാനും അധിക്ഷേപിക്കാനും തയാറായെന്നും അവര്‍ക്ക് സര്‍ക്കാര്‍ ഒത്താശ ചെയ്തുവെന്നും അദ്ദേഹം ആരോപിച്ചു.പ്രശ്‌ന പരിഹാരത്തിന് തയാറാണെന്നും എന്നാല്‍ രേഖമൂലമുള്ള ഉറപ്പുവേണമെന്നും അദ്ദേഹം പറഞ്ഞു. മത്സ്യത്തൊഴിലാളികളുടെ തുറമുഖ വിരുദ്ധ സമരത്തിന്റെ 130 ാം ദിവസമായ ഇന്നലെ തുറമുഖ നിര്‍മാണത്തെ എതിര്‍ക്കുന്നവരും അനുകൂലിക്കുന്നവരും തമ്മിലുള്ള സംഘര്‍ഷം കയ്യാങ്കളിയിലും കല്ലേറിലുമെത്തിയിരുന്നു. ഇന്നലെ രാവിലെ പത്തരയോടെ മുല്ലൂരിലെ തുറമുഖ കവാടത്തിലേക്ക് ഇരുപതോളം ലോറികളില്‍ നിര്‍മാണത്തിനുള്ള പാറക്കല്ലുകള്‍ എത്തിയതോടെയാണു സംഘര്‍ഷത്തിനു…

    Read More »
  • NEWS

    കോവിഡ് നിയന്ത്രണത്തില്‍ വലഞ്ഞ് ജനം; കമ്യൂണിസ്റ്റ് ഭരണത്തിനെതിരേ പ്രതിഷേധം

    ബീജിങ്: കോവിഡ് പിടിമുറുക്കിയതിന് പിന്നാലെ കടുത്ത നിയന്ത്രണങ്ങള്‍ ഏര്‍പ്പെടുത്തിയ ചൈനയില്‍ സര്‍ക്കാരിന് എതിരെ പ്രതിഷേധം ശക്തമാകുന്നു. ഷാങ്ഹായിയില്‍ സര്‍ക്കാരിന്റെ കോവിഡ് നയങ്ങള്‍ക്ക് എതിരെ ജനങ്ങള്‍ തെരുവില്‍ പ്രതിഷേധിക്കുന്നതിന്റെ വീഡിയോ സാമൂഹ്യ മാധ്യമങ്ങള്‍ വഴി പുറത്തുവന്നു. അടച്ചുപൂട്ടല്‍ പ്രഖ്യാപിച്ച ഷാങ്ഹായി നഗരത്തിലെ അപ്പാര്‍ട്ട്മെന്റിലുണ്ടായ തീപിടിത്തത്തില്‍ 10പേര്‍ മരിക്കുകയും 9പേര്‍ക്ക് ഗുരുതരമായി പൊള്ളലേല്‍ക്കുകയും ചെയ്തതിന് പിന്നാലെയാണ് പ്രതിഷേധം ഉയര്‍ന്നത്. ”കമ്മ്യൂണിസ്റ്റ് പാര്‍ട്ടിയെ പുറത്താക്കു, ഷി ജിന്‍പിങിനെ പുറത്താക്കു” തുടങ്ങിയ മുദ്രാവാക്യങ്ങളുമായാണ് പ്രതിഷേധക്കാര്‍ തെരുവില്‍ നിറഞ്ഞതെന്ന് ഡിഡബ്ല്യു ന്യൂസ് മാധ്യമപ്രവര്‍ത്തകന്‍ വില്ല്യം യാങ് ട്വിറ്ററില്‍ പോസ്റ്റ് ചെയ്ത വീഡിയോയ്ക്കൊപ്പം കുറിച്ചു. പി.സി.ആര്‍ ടെസ്റ്റിന് വിധേയരാകാന്‍ സാധ്യമല്ലെന്നും തങ്ങള്‍ക്ക് സ്വാതന്ത്ര്യം വേണമെന്നും ജനക്കൂട്ടം മുദ്രാവാക്യം വിളിച്ചതായി യാങ് പറഞ്ഞു. ലോക്ക്ഡൗണ്‍ എത്രയും വേഗം പിന്‍വലിക്കണം എന്നാണ് ജനങ്ങളുടെ ആവശ്യം. ചില സ്ഥലങ്ങളില്‍ പോലീസും പ്രതിഷേധക്കാരും തമ്മില്‍ ഏറ്റുമുട്ടലുണ്ടായെന്നും യാങ് ട്വീറ്റ് ചെയ്തു. കോവിഡ് വ്യാപനം വീണ്ടും സംഭവിച്ചതിന് പിന്നാലെ, കര്‍ശന നിയന്ത്രണങ്ങളാണ് ചൈനയില്‍ സര്‍ക്കാര്‍ സ്വീകരിച്ചിരിക്കുന്നത്. ലോക്ക്ഡൗണ്‍,…

    Read More »
  • Health

    ധാരാളം വെള്ളം കുടിക്കൂ, ആരോഗ്യത്തിനും ആനന്ദത്തിനും വേറെന്തു വേണം

    വെളളം കുടിക്കാൻ പലർക്കും വിമുഖതയാണ്. ഭക്ഷണത്തോടൊപ്പം കഷായം പോലെ ചെറിയ അളവിൽ മാത്രം വെള്ളം കുടിക്കുന്ന ചിലരെ കാണാറുണ്ട്. പക്ഷേ പ്രതിദിനം മൂന്ന് ലീറ്റർ വെള്ളമെങ്കിലും കുടിക്കണം എന്നാണ് ആയുർവേദത്തോടൊപ്പം മോഡേൺ മെഡിസിനും നിഷ്കർഷിക്കുന്നത്. ഇത് ശരീരത്തിൻ്റെ സുഗമമായ പ്രവർത്തനത്തിനും പല രോഗങ്ങൾ മാറാനും സഹായിക്കുന്നു. രാവിലെ വെറും വയറ്റില്‍ വെള്ളം കുടിച്ചാല്‍ എന്തൊക്കെ പ്രയോജനങ്ങൾ ലഭിക്കും എന്നറിയുക ❥രോഗപ്രതിരോധ സംവിധാനത്തെ ശക്തിപ്പെടുത്തും ❥ ശരീരത്തിലെ മെറ്റാബോളിസം നല്ല രീതിയില്‍ മെച്ചപ്പെടുത്തും ❥ ശരീരത്തില്‍ നിന്ന് വിഷാംശം പുറന്തള്ളും ❥ രക്തയോട്ടം വര്‍ധിക്കിപ്പുകയും ചര്‍മ്മത്തിന് തിളക്കം നല്‍കുകയും ചെയ്യും ❥ മലവിസര്‍ജന പ്രവര്‍ത്തനങ്ങളെ നിയന്ത്രിക്കുന്നതിനും സമന്വയിപ്പിക്കുന്നതിനും സഹായിക്കുന്നു. ❥മൂത്രാശയ സംബന്ധമായ അസുഖങ്ങള്‍ ഉള്ളവര്‍ രാവിലെ വെറും വയറ്റില്‍ വെള്ളം കുടിക്കുന്നത് ഏറ്റവും ഉത്തമമാണ്

    Read More »
  • Kerala

    ‘ജവാന്‍ റം’ സൂപ്പർ ഹിറ്റ്, പിന്നാലെ പുതിയ ബ്രാന്‍ഡി സംസ്ഥാന സര്‍ക്കാര്‍ വിപണിയിലെത്തിക്കുന്നു

    മദ്യപന്മാരുടെ പ്രിയ ബ്രാൻഡാണ് ജവാന്‍ റം. പക്ഷേ ബാറുകളിലും ബിവറേജസ് ഔട്ട് ലെറ്റുകളിലും കിട്ടാനില്ല. അതെന്തായാലും ജവാന്‍ റം സൂപ്പർ ഹിറ്റായതിനു പിന്നാലെ സംസ്ഥാന സര്‍ക്കാര്‍ പുതിയ ബ്രാന്‍ഡി വിപണിയിലെത്തിക്കുന്നു. മലബാര്‍ ഡിസ്റ്റലറീസിന്റെ ‘മലബാര്‍ ബ്രാന്‍ഡി’ അടുത്ത ഓണത്തിന് മുമ്പ് വിപണിയിലെത്തിക്കാനാണ് സര്‍ക്കാര്‍ തയ്യാറെടുക്കുന്നത്. മാസത്തില്‍ 3.5 ലക്ഷം കേയ്സ് മദ്യം ഉൽപാദിപ്പിക്കാനാണ് ആലോചന. സര്‍ക്കാര്‍ മേഖലയില്‍ മദ്യ ഉത്പാദനം വര്‍ദ്ധിപ്പിക്കുന്നതിന്റെ ഭാഗമായി കിഴക്കന്‍മേഖലയില്‍ ചിറ്റൂരിലുള്ള മലബാര്‍ ഡിസ്റ്റലറീസില്‍ മദ്യ ഉത്പാദനം ആരംഭിക്കും. വര്‍ഷങ്ങള്‍ക്ക് മുമ്പ് പൂട്ടിപ്പോയ ചിറ്റൂര്‍ ഷുഗര്‍ മില്ലാണ് ഡിസ്റ്റലറിയാക്കുന്നത്. മദ്യ ഉൽപാദനത്തിന് സര്‍ക്കാരിന്റെ അനുമതിയും ടെണ്ടര്‍ നടപടികളും പൂര്‍ത്തിയായി. കേരള പൊലീസ് ഹൗസിംഗ് കണ്‍സ്ട്രക്ഷന്‍ കോര്‍പറേഷന്‍ ലിമിറ്റഡിനാണ് നിര്‍മ്മാണ ചുമതല. ഫാക്ടറിയുടെ നിര്‍മ്മാണ പ്രവര്‍ത്തനങ്ങള്‍ ഡിസംബര്‍ ഒന്ന് മുതല്‍ ആരംഭിക്കും. നാല് മാസത്തിനുള്ളില്‍ നിര്‍മ്മാണം പൂര്‍ത്തിയാക്കാനാണ് ലക്ഷ്യമിടുന്നത്.

    Read More »
Back to top button
error: