-
India
5ജിയില് ജിയോയുടെ സമഗ്രാധിപത്യം; വേഗതയിലും ലഭ്യതയിലും ബഹുദൂരം മുന്നിലെന്ന് പുതിയ റിപ്പോര്ട്ട്
4ജിയില് നിന്ന് 5ജിയിലേക്കുള്ള മാറ്റം കേവലം വേഗതയുടെ കണക്കുകളില് ഒതുങ്ങുന്നില്ലെന്നും, നെറ്റ്വര്ക്കിന്റെ അടിസ്ഥാന ഘടനയും അത് നല്കുന്ന സ്ഥിരതയുമാണ് യഥാര്ത്ഥ വിജയിയെ നിര്ണ്ണയിക്കുന്നതെന്നും ഇതില് ജിയോ വലിയ മുന്നേറ്റം നടത്തിയെന്നും ഓപ്പണ് സിഗ്നല് റിപ്പോര്ട്ട് കൊച്ചി: ഇന്ത്യന് 5ജി വിപണിയില് റിലയന്സ് ജിയോ വ്യക്തമായ ആധിപത്യം നേടിയതായി പ്രമുഖ നെറ്റ്വര്ക്ക് ഗവേഷണ സ്ഥാപനമായ ഓപ്പണ് സിഗ്നലിന്റെ പുതിയ റിപ്പോര്ട്ട്. 2025 സെപ്റ്റംബര് 1 മുതല് നവംബര് 30 വരെയുള്ള കാലയളവിലെ വിവരങ്ങളെ അടിസ്ഥാനമാക്കി തയ്യാറാക്കിയ റിപ്പോര്ട്ട് പ്രകാരം, 5ജി വേഗത, ലഭ്യത, ഉപയോക്താക്കള്ക്ക് യഥാര്ത്ഥത്തില് നെറ്റ്വര്ക്ക് ഉപയോഗിക്കാന് സാധിക്കുന്ന സമയം എന്നിവയിലെല്ലാം ജിയോ എതിരാളികളെക്കാള് ബഹുദൂരം മുന്നിലാണ്. 4ജിയില് നിന്ന് 5ജിയിലേക്കുള്ള മാറ്റം കേവലം വേഗതയുടെ കണക്കുകളില് ഒതുങ്ങുന്നില്ലെന്നും, നെറ്റ്വര്ക്കിന്റെ അടിസ്ഥാന ഘടനയും അത് നല്കുന്ന സ്ഥിരതയുമാണ് യഥാര്ത്ഥ വിജയിയെ നിര്ണ്ണയിക്കുന്നതെന്നും റിപ്പോര്ട്ടില് പറയുന്നു. എതിരാളികള് ബഹുദൂരം പിന്നില് ഒരു ശരാശരി ഉപഭോക്താവിനെ സംബന്ധിച്ചിടത്തോളം, 4ജിയില് നിന്ന് 5ജിയിലേക്കുള്ള മാറ്റത്തിന്റെ ഏറ്റവും…
Read More » -
Movie
ഗീതു മോഹൻദാസ് സംവിധാനം ചെയ്യുന്ന യാഷ് ചിത്രം ടോക്സിക്കിൽ ഗംഗയായി നയൻതാര : ക്യാരക്റ്റർ പോസ്റ്റർ റിലീസായി
ടോക്സിക്: എ ഫെയറി ടെയിൽ ഫോർ ഗ്രൗൺ-അപ്പ്സ് എന്ന യാഷ്–ഗീതു മോഹൻദാസ് ചിത്രം 2026 മാർച്ച് 19-ന് തിയറ്ററുകളിലേക്ക് എത്താനിരിക്കെ, ചിത്രത്തിന്റെ ഇരുണ്ടതും ആഴമേറിയതുമായ ലോകത്തിന്റെ പുതിയൊരു അദ്ധ്യായം തുറന്നുകൊണ്ട് അണിയറപ്രവർത്തകർ ശക്തമായ അപ്ഡേറ്റ് പുറത്തുവിട്ടിരിക്കുകയാണ്. ഗംഗ എന്ന കഥാപാത്രമായി നയൻതാരയുടെ ക്യാരക്ടർ ലുക്ക് പോസ്റ്ററാണ് ഇപ്പോൾ പുറത്തുവന്നിരിക്കുന്നത്. ഭംഗിയും ഭീഷണിയും ഒരുമിച്ച് നിറഞ്ഞ ശക്തമായ സാന്നിധ്യമായി, നയൻതാര ഈ ചിത്രത്തിന്റെ യൂണിവേഴ്സിൽ നിർണായക ശക്തിയായി ഉയിർത്തെഴുന്നേൽക്കുന്നു. ഇന്ത്യൻ സിനിമയിലെ ഏറ്റവും ഐകോണിക് നടിമാരിലൊരാളായ നയൻതാര, ടോക്സികിൽ ഇതുവരെ അവതരിപ്പിക്കാത്ത ഒരു കഥാപാത്രത്തെയാണ് ടോക്സിക്കിൽ അവതരിപ്പിക്കുന്നത്. സ്വാഭാവിക ആകർഷണം കൂടുതൽ ശക്തമാകുകയും, അതേസമയം പുതുമയുള്ളൊരു അവതാരം പ്രേക്ഷകർക്ക് മുന്നിൽ വെക്കുകയും ചെയ്യുന്ന ഒരു യാത്രയാണ് ഗംഗ എന്ന കഥാപാത്രത്തിലൂടെ നയൻതാര ടോക്സിക്കിൽ പ്രേക്ഷകർക്ക് സമ്മാനിക്കുന്നത്. ഗംഗയായി നയൻതാരയുടെ അവതാരം ദൃശ്യപരമായി അതീവ ആകർഷകമാണ്. നിർഭയത്വം നിറഞ്ഞ ആത്മവിശ്വാസത്തോടെ, പരിശീലനം ലഭിച്ച അധികാരബോധത്തോടെ തോക്ക് ചൂണ്ടി നിൽക്കുന്ന ഗംഗയുടെ കാമ്പോസ്ഡ് സാന്നിധ്യം, ഭംഗിയും…
Read More » -
Movie
അഭിനയം പഠിപ്പിക്കാൻ മലയാള സിനിമയിലെ പ്രമുഖ കലാകാരന്മാർ കൊച്ചിയിൽ.
കൊച്ചി : ആക്ടേഴ്സ് ഫാക്ടറി യുടെ മൂന്നാമത് ആക്ടിംഗ് വർക്ക്ഷോപ്പ് ജനുവരി 16 17 18 കൊച്ചിയിൽHOTEL ARCTIC GOLD, വൈറ്റില യിൽ വെച്ച് നടക്കുന്നു. സൂപ്പർഹിറ്റ് സംവിധായകൻ ലാൽ ജോസ് അടക്കം ഒട്ടേറെ സിനിമ പ്രവർത്തകരാണ് ഈ അഭിനയ പരിശീലന കളരിക്ക് നേതൃത്വം നൽകുന്നത്. നടന്മാരായ പ്രമോദ് വെളിയനാട്, സംവിധായകനും നടനുമായ സോഹൻ സീനു ലാൽ, ദിനേഷ് പ്രഭാകർ, ജോജി മുണ്ടക്കയം സംവിധായകൻ സന്തോഷ് ഇടുക്കി പ്രൊഡക്ഷൻ കൺട്രോളർ സേതു അടൂർ, മേക്കപ്പ് കലാകാരൻ പട്ടണം ഷാ കലാ സംവിധായകൻ ഗിരീഷ് മേനോൻ എന്നിവർ നേതൃത്വം നൽകുന്ന ഈ അഭിനയ പരിശീലന ക്യാമ്പിൽ തത്സമയ ചിത്രീകരണവും സ്ക്രീൻ ആക്ടിങ്ങിന്റെ സാങ്കേതിക വശങ്ങളുമാണ് പ്രധാന പരിശീലന വിഷയം. മലയാള സിനിമയിൽ ഒട്ടേറെ അവസരങ്ങൾ ലഭിക്കാവുന്ന രീതിയിലാണ് ഈ ആക്ടിംഗ് വർക്ക്ഷോപ്പ് സംഘടിപ്പിച്ചിരിക്കുന്നത് എന്ന് ആക്ടേഴ്സ് ഫാക്ടറിക്ക് വേണ്ടി ലിബിയ, അഭിലാഷ്, ജിഷ്ണു രാധാകൃഷ്ണൻ, സന്തോഷ് ഇടുക്കി എന്നിവർ അറിയിച്ചു.
Read More » -
Breaking News
വയനാടൻ മണ്ണിൽ നിന്ന് കോൺഗ്രസ് പടയൊരുക്കം തുടങ്ങുന്നു : നിയമസഭാ തിരഞ്ഞെടുപ്പ് സ്ഥാനാർത്ഥിനിർണയം ആരംഭിക്കുന്നു,: സതീശൻ പറഞ്ഞ തലമുറ മാറ്റം എന്തെന്നറിയാൻ ആകാംക്ഷയോടെ രാഷ്ട്രീയ കേരളം
വയനാട് : അതിജീവനത്തിന്റെ മണ്ണാണ് വയനാട്ടിലേത്. പ്രകൃതി എല്ലാം തകർത്തെറിഞ്ഞിട്ടും തോൽക്കാൻ മനസ്സില്ലാത്തതുകൊണ്ട് ഉയർത്തെഴുന്നേറ്റവരുടെ നാട്. ആ മണ്ണിൽ നിന്നാണ് കോൺഗ്രസ് അതിജീവനത്തിന്റെ പുതിയ പോരാട്ടം ആരംഭിക്കുന്നത്. വരാൻ പോകുന്ന നിയമസഭാ തിരഞ്ഞെടുപ്പിന്റെ യുദ്ധതന്ത്രങ്ങൾ മെനയാൻ ഏതു സ്ഥലമാണ് ഏറ്റവും നല്ലത് എന്ന ചിന്ത അവരെ കൊണ്ടെത്തിച്ചത് വയനാട്ടിലാണ് ആ വയനാടൻ മണ്ണിൽ നിന്നാണ് വരാൻ പോകുന്ന നിയമസഭാ തിരഞ്ഞെടുപ്പിനുള്ള പോരാട്ടത്തിന് കോൺഗ്രസ് നാന്ദി കുറിക്കുന്നത്. പുതുവർഷത്തിൽ ജനുവരി 4, 5 തീയതികളിൽ ആണ് കോൺഗ്രസിന്റെ നിയമസഭാ തെരഞ്ഞെടുപ്പ് പോരാട്ടത്തിനുള്ള ആദ്യ ഔദ്യോഗിക യോഗം ചേരുന്നത്. നിയമസഭാ തിരഞ്ഞെടുപ്പ് മുന്നിൽക്കണ്ട് വയനാട്ടിൽ ചേരുന്ന കോൺഗ്രസ് കോൺക്ലേവിൽ സ്ഥാനാർഥിനിർണയവും പുനഃസംഘടനയും സംബന്ധിച്ച് മാനദണ്ഡമുണ്ടാക്കും. ജനുവരി നാല്, അഞ്ച് തീയതികളിൽ നടക്കുന്ന കോൺക്ലേവിൽ വിവിധ നേതൃസമിതികളിൽ നിന്നായി 170 മുതിർന്ന നേതാക്കൾ പങ്കെടുക്കും. നിയമസഭാ തിരഞ്ഞെടുപ്പിൽ കോൺഗ്രസിന്റെ സ്ഥാനാർഥി നിർണയം താഴേത്തട്ടിൽ നിന്നായിരിക്കും…
Read More » -
Breaking News
പുതുതലമുറ വോട്ടുകൾ നിർണായകം : തദ്ദേശ തെരഞ്ഞെടുപ്പിൽ പുതുതലമുറ വോട്ടുകൾ പ്രതിഷേധ വോട്ടുകളായി: ഇടതുപക്ഷത്തിന് ഉണ്ടായ തിരിച്ചടിക്ക് അതും ഒരു കാരണം എന്ന് വിലയിരുത്തൽ
തിരുവനന്തപുരം : തദ്ദേശ തെരഞ്ഞെടുപ്പിൽ ഇടതുപക്ഷത്തിന് ഉണ്ടായ തിരിച്ചടിക്ക് ഒരു കാരണം പുതുതലമുറ വോട്ടുകൾ ഇടതുപക്ഷത്തിനെതിരെയുള്ള പ്രതിഷേധ വോട്ടുകളായി മാറിയതാണെന്ന് വിലയിരുത്തൽ. പുതുതലമുറയുടെ രാഷ്ട്രീയവും വോട്ടുകളും അതീവ ഗൗരവത്തോടെയാണ് കാണേണ്ടത് എന്നും അത് നേടാൻ ആകണമെന്നും തോൽവി അവലോകനം ചെയ്യുന്ന ചർച്ചകളിൽ ആവശ്യമുയർന്നു. പുതിയ തലമുറയിലെ കുട്ടികൾ തങ്ങളുടെ ഓട്ടോ കാശും ഏറ്റവും കൃത്യമായി ഉപയോഗിക്കാൻ കെൽപ്പുള്ളവരാണ്. വെറും രാഷ്ട്രീയ ചായ്വ് മാത്രം നോക്കി വോട്ടു കുത്തുന്നവരല്ല പുതുതലമുറയിലെ വോട്ടർമാർ. സോഷ്യൽ മീഡിയയുടെ സ്വാധീനവും പുതുതലമുറയുടെ രാഷ്ട്രീയ നിലപാടുകളെ രൂപപ്പെടുത്തുന്നതിൽ വലിയ പങ്കുവഹിക്കുന്നുണ്ട് എന്നതിനാൽ രാഷ്ട്രീയപാർട്ടികൾ കൂടുതൽ ജാഗ്രത പാലിക്കേണ്ടതാണെന്നും അവലോകനങ്ങളിൽ ചൂണ്ടിക്കാണിക്കപ്പെട്ടു. അഴിമതിയെ എതിർക്കുന്ന, വ്യക്തമായ വികസന കാഴ്ചപ്പാടുള്ള, തൊഴിൽ വിദ്യാഭ്യാസ അവസരങ്ങൾ നമ്മുടെ നാട്ടിൽ തന്നെ കിട്ടാനായി കാത്തിരിക്കുന്ന, വെള്ളം ചേർക്കാത്ത രാഷ്ട്രീയ കാഴ്ചപ്പാടുകൾ ഉള്ള പുതുതലമുറ മുൻഗാമികളെ പോലെ കണ്ണടച്ച് ഏതെങ്കിലും രാഷ്ട്രീയപാർട്ടിയുടെ പിന്നാലെ പോകുന്നവരല്ല എന്ന് തിരിച്ചറിഞ്ഞ് അവർക്ക് വേണ്ടത്…
Read More » -
Breaking News
താരവിവാഹത്തിനു തെന്നിന്ത്യ; കൊട്ടാരമൊരുങ്ങി; ഫെബ്രുവരി 26 മിന്നുകെട്ട്; ആഘോഷ മൂഡില് രശ്മികയും വിജയ് ദേവരക്കൊണ്ടയും; നിശ്ചയംപോലെ വിവാഹത്തിലും അടുത്ത ബന്ധുക്കളും സുഹൃത്തുക്കളും മാത്രം
ബംഗളുരു: തെന്നിത്യന് സിനിമാ പ്രേമികള് ആകാംക്ഷയോടെ കാത്തിരിക്കുന്ന താരവിവാഹത്തിനു വേദിയൊരുങ്ങി. രശ്മിക മന്ദാന വിജയ് ദേവരകൊണ്ട വിവാഹത്തിനു തീയതിയും വിവാഹ വേദിയും തീരുമാനിച്ചതായാണ് റിപ്പോര്ട്ടുകള്. കഴിഞ്ഞകുറേ മാസങ്ങളായി ഇരുവരും തമ്മിലുള്ള ബന്ധത്തെ കുറിച്ച് ശക്തമായ അഭ്യൂഹങ്ങള് ഉണ്ടായിരുന്നു. ഇരുവരുടെയും വിവാഹ നിശ്ചയം 2025 ഒക്ടോബറില് അടുത്ത ബന്ധുക്കളുടെ സാന്നിധ്യത്തില് കഴിഞ്ഞതോടെയാണ് അഭ്യൂഹങ്ങള് സ്ഥിരീകരിക്കപ്പെട്ടത്. പിന്നാലെ ഇരുവരും 2026ല് വിവാഹിതരാകാന് തീരുമാനിച്ചതായും റിപ്പോര്ട്ടുകളെത്തി. 2026 ഫെബ്രുവരിയില് രശ്മിക മന്ദാന വിജയ് ദേവരകൊണ്ട വിവാഹം ഉണ്ടാകുമെന്നാണ് സൂചന. പുറത്തുവരുന്ന റിപ്പോര്ട്ടുകള് ശരിയാണെങ്കില് ഫെബ്രുവരി 26 ന് ഇരുവരും വിവാഹിതരാകും. ഉദയ്പൂരിലെ ഒരു കൊട്ടാരമായിരിക്കും വേദിയെന്നാണ് ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നത്. വിവാഹനിശ്ചയം പോലെ തന്നെ വിവാഹവും വളരെ ലളിതവും അടുത്ത സുഹൃത്തുക്കളും ബന്ധുക്കളും മാത്രം പങ്കെടുക്കുന്ന ചടങ്ങുമായിരിക്കും. വിവാഹ ശേഷം സിനിമ രംഗത്തെ സുഹൃത്തുക്കള്ക്കായി വിവാഹ സല്ക്കാരമോ മറ്റ് പരിപാടികളോ സംഘടിപ്പിക്കുന്നുണ്ടോ എന്നതില് വ്യക്തയില്ല. 2018 ല് പുറത്തിറങ്ങിയ ‘ഗീത ഗോവിന്ദം’ എന്ന ഹിറ്റ്…
Read More » -
Breaking News
ശബരിമല വിവാദം കത്തുമ്പോള് ഇഎംഎസ് സര്ക്കാരിന്റെ കാലത്തെ ‘അയ്യപ്പ ജ്യോതി’ പ്രയാണവും ചര്ച്ചയാകുന്നു; കൊടിമരം സ്വര്ണം പൂശിയതും ബ്രാഹ്മണ സദ്യ സമൂഹ സദ്യയാക്കിയതും ഇടതു സര്ക്കാരുകള്; ദക്ഷിണേന്ത്യന് പത്രങ്ങളില് നിരന്തരം വാര്ത്തകള് നല്കി; ശമ്പളം മുടങ്ങിയ കാലത്തുനിന്ന് സമ്പന്നതയിലേക്ക് ശബരിമല മാറിയ വഴികള്
തിരുവനന്തപുരം: ശബരിമല സ്ത്രീ പ്രവേശനത്തിലൂടെയും സ്വര്ണക്കൊള്ളയിലൂടെയും സര്ക്കാര് ശബരിമലയെ തകര്ക്കാന് ശ്രമിക്കുന്നെന്ന ആരോപണങ്ങള്ക്കു മറുപടിയുമായി മാധ്യമപ്രവര്ത്തകന്റെ ഫേസ്ബുക്ക് പോസ്റ്റ് ചര്ച്ചയാകുന്നു. ആകെ രണ്ടുലക്ഷത്തോളംപേര് മാത്രം ഒരു സീസണില് എത്തിയതില്നിന്ന് ആന്ധ്രയും തമിഴ്നാടും അടക്കമുള്ള ദക്ഷിണേന്ത്യന് സംസ്ഥാനങ്ങളില്നിന്ന് തീര്ഥാടകരുടെ ഒഴുക്കു തുടങ്ങിയതിനു പിന്നില് ഇടതുപക്ഷ സര്ക്കാര് ഇഎംഎസ് മുഖ്യമന്ത്രിയായിരുന്ന 1967ല് ദേവസ്വം ബോര്ഡിന്റെ നേതൃത്വത്തില് നടത്തിയ അയ്യപ്പ ജ്യോതി പ്രയാണത്തോടെയാണെന്നാണു പോസ്റ്റില് പറയുന്നത്. ചരിത്രത്തിലേക്കൊന്ന് ചികഞ്ഞ് നോക്കിയാല് ഇ എം എസ് കേരളം ഭരിക്കുന്ന കാലത്താണ് ശബരിമലയുടെ വികസനത്തിന് വേണ്ടിയുള്ള ‘അയ്യപ്പ ജ്യോതി’ എന്ന പരിപാടി സംഘടിപ്പിക്കുന്നത്. അത്രയധികം ശോചനീയാവസ്ഥയിലായിരുന്ന ശബരിമലയെ പിടിച്ചുയര്ത്തിയത് ഇടതുപക്ഷ സര്ക്കാര് നടത്തിയ അയ്യപ്പ ജ്യോതി എന്ന പരിപാടി കൊണ്ടായിരുന്നു. ദക്ഷിണേന്ത്യന് സംസ്ഥാനങ്ങളില് നടത്തിയ പ്രയാണം കൊണ്ട് തെക്കേ ഇന്ത്യയില് ശബരിമല എന്ന തീര്ഥാടന കേന്ദ്രത്തെക്കുറിച്ച് എല്ലാവരും അറിയാനിടയായി. അയ്യപ്പ ജ്യോതിക്ക് ശേഷമാണ് ശബരിമലയെക്കുറിച്ചുള്ള വാര്ത്തകള് തമിഴ്, കന്നട, ആന്ധ്ര പത്രങ്ങളില് വരാനായി തുടങ്ങിയത്. പിന്നീട് ഭക്തര് ശബരിമലയിലേക്ക്…
Read More » -
Breaking News
കെ-കുപ്പി മുതല് പോറ്റീസ് ഗോള്ഡ് ബ്രാന്ഡിയും കെ-ബ്രാന്ഡിവരെ; ‘രക്ഷകന്’ എന്നു മുരളി തുമ്മാരുകുടി; കേരള ബ്രാന്ഡിക്കു പേരിട്ടു തകര്പ്പന് കമന്റുകള്; ഡിസൈനും ലോഗോയും കുപ്പിയുംവരെ റെഡി!
തിരുവനന്തപുരം: കേരള സര്ക്കാര് നിര്മിക്കുന്ന ബ്രാന്ഡിക്കു പേരിടാമോ എന്നു ബെവ്കോയുടെ ചോദ്യത്തില് തകര്പ്പന് മറുപടികളുമായി ‘നെറ്റിസന്’. ഏറ്റവും മികച്ച പേര് നിര്ദേശിക്കുന്നവര്ക്ക് 10,000 രൂപ സമ്മാനവും ലഭിക്കുമെന്നായിരുന്നു ഓഫര്. സംഭവം വാര്ത്തയായതിന് പിന്നാലെ സമൂഹമാധ്യമങ്ങളിലാകെ ബഹളമാണ്. എത്രപേര്, പേര് നിര്ദേശിച്ച് ബെവ്കോയ്ക്ക് മെയില് അയച്ചിട്ടുണ്ടെന്ന് അറിയില്ലെങ്കിലും സമൂഹമാധ്യമങ്ങളില് പേരിടല് പൊടിപൂരമാണ്! ട്രോളിയും കളിയാക്കിയും സീരിയസായുമെല്ലാം പേരിടല് നടക്കുന്നുണ്ട്. കേരള സര്ക്കാര് നിര്മിക്കുന്ന ബ്രാന്ഡിക്ക് പേരും ലോഗോയും ക്ഷണിച്ച് ബവ്കോ എന്നുള്ള വാര്ത്തകള്ക്കു താഴെയും വമ്പന് കമന്റുകളാണു നിറയുന്നത്. ‘മലബാര് റിസര്വ്, കേരള ക്രൗണ്, ട്രാവന്കൂര് ഗോള്ഡ്, മലബാര് ഹെറിറ്റേജ്, കേരളീയം സെലക്ട് എന്നിങ്ങനെ ഒരു പിടിപേരുകളാണ് ഒരു സോഷ്യല് മീഡിയ ഉപയോക്താവ് കമന്റ് ചെയ്തത്. എല്ലാറ്റിനും കൂടെ ‘കെ’ ചേര്ക്കുന്ന രീതിയെടുത്ത് ‘കെ-സ്പിരിറ്റ്, കെ-ബ്രാന്ഡി’ എന്നിങ്ങനെ പേരുകള് നിര്ദേശിക്കുന്നവരുമുണ്ട്. കുറച്ചുകൂടെ മലയാളത്തിലാക്കി ‘കെ-കുപ്പി’ എന്നായിരുന്നു ഒരു കമന്റ്്. ഉണ്ണികൃഷ്ണന് പോറ്റിയും ശബരിമല സ്വര്ണക്കൊള്ള വിവാദവും കത്തിനില്ക്കുന്ന സമയമാണല്ലോ, അപ്പോള് പിന്നെ അതിനെ…
Read More » -
Breaking News
ആര്ക്കെതിരേയും മൊഴി കൊടുത്തില്ല, എനിക്കറിയാത്ത കാര്യത്തില് കുറ്റപ്പെടുത്താനില്ല; മൊഴി നല്കിയതിനു പിന്നാലെ കടകംപള്ളി സുരേന്ദ്രന്; ‘ദേവസ്വം ബോര്ഡിന്റെ നടപടികളില് ഇടപെട്ടിട്ടില്ല, ഉണ്ണിക്കൃഷ്ണന് പോറ്റിയെ ശബരിമലയില്വച്ച് കണ്ടിട്ടുണ്ട്’
തിരുവനന്തപുരം: ശബരിമലയിലെ സ്വര്ണക്കൊള്ളക്കേസില് എസ്ഐടിക്ക് മുന്നില് ആരെയും പഴിചാരിയില്ലെന്നു മുന് ദേവസ്വം മന്ത്രി കടകംപള്ളി സുരേന്ദ്രന്. ഞാന് ആരെയും കുറ്റപ്പെടുത്തി മൊഴി നല്കിയുമില്ല. പഴിചാരണമെങ്കില് അതിനെപ്പറ്റി തനിക്ക് അറിവുവേണം. അറിവില്ലാത്ത കാര്യത്തെപ്പറ്റി എങ്ങനെയാണ് കുറ്റപ്പെടുത്തുകയെന്നും കടകംപള്ളി പറഞ്ഞു. ശബരിമലയിലെ സ്വര്ണക്കൊള്ളക്കേസില് കടകംപള്ളി സുരേന്ദ്രനില്നിന്ന് പ്രത്യേക അന്വേഷണ സംഘം മൊഴിയെടുത്തിരുന്നു. ശനിയാഴ്ച തിരുവനന്തപുരത്തായിരുന്നു ചോദ്യം ചെയ്യല്. 2019ല് സ്വര്ണക്കൊള്ള നടക്കുന്ന സമയത്ത് കടകംപള്ളി സുരേന്ദ്രനായിരുന്നു ദേവസ്വംമന്ത്രി. ഈസമയം ദേവസ്വംബോര്ഡ് ഭാരവാഹികളായിരുന്നവരില് രണ്ടുപേര് നിലവില് അറസ്റ്റിലാണ്. മറ്റുള്ളവരുടെ മൊഴിയെടുത്ത ശേഷം ആവശ്യമുണ്ടെങ്കില് കടകംപള്ളിയെ വീണ്ടും വിളിപ്പിക്കുമെന്നാണ് പ്രത്യേക അന്വേഷണസംഘത്തിന്റെ നിലപാട്. എസ്ഐടിക്ക് മുന്നിലെത്തിയെന്ന വാര്ത്ത കടകംപള്ളിയും സ്ഥിരീകരിച്ചു. 2019ലെ മന്ത്രിയെന്ന നിലയില് തനിക്ക് പറയാനുള്ളത് അന്വേഷണസംഘം ചോദിച്ചുവെന്നും അത് പറഞ്ഞിട്ടുണ്ടെന്നുമായിരുന്നു അദ്ദേഹത്തിന്റെ മറുപടി. ദേവസ്വം ബോര്ഡ് എടുക്കുന്ന എല്ലാ കാര്യവും മന്ത്രി അറിയാറില്ലെന്നും സ്വര്ണം പൂശല് നടപടിയില് ഇടപെട്ടിട്ടില്ലെന്നും കടകംപള്ളി മൊഴി നല്കി. അതേസമയം ഉണ്ണികൃഷ്ണന് പോറ്റിയെ അറിയാമെന്നും ശബരിമലയില് വച്ചാണ് പരിചയമെന്നും അദ്ദേഹം…
Read More » -
Breaking News
അതീവ രഹസ്യം; സൈനിക ആസ്ഥാനത്ത് അസിം മുനീറിന്റെ മകള് വിവാഹിതരായി; രാഷ്ട്രീയ നേതാക്കളടക്കം പങ്കെടുത്തിട്ടും ചിത്രങ്ങള് പോലും പുറത്തുവിട്ടില്ല; വരനും സൈനികന്
ഇസ്ലാമാബാദ്: പാക് പ്രതിരോധ മേധാവി അസിം മുനീറിന്റെ മകള് മഹ്നൂര് വിവാഹിതയായി. അസിം മുനീറിന്റെ സഹോദരന് ഖാസിം മുനീറിന്റെ മകന് അബ്ദുള് റഹ്മാനാണ് വരന്. കഴിഞ്ഞയാഴ്ച റാവല്പിണ്ടിയിലെ പാകിസ്ഥാന് ആര്മി ആസ്ഥാനത്ത് വളരെ രഹസ്യമായിട്ടാണ് വിവാഹം നടന്നത്. വിവാഹത്തിന്റെ ചിത്രങ്ങള് പോലും പുറത്തുവിട്ടിട്ടില്ല. രാഷ്ട്രീയ നേതാക്കളും ഉന്നത സൈനിക ഉദ്യോഗസ്ഥരും വിവാഹത്തില് പങ്കെടുത്തതായാണ് റിപ്പോര്ട്ട്. പാക് പ്രതിരോധ മേധാവിയായ അസിം മുനീറിന് നാല് പെണ്മക്കളാണ്. മഹ്നൂര് അദ്ദേഹത്തിന്റെ മൂന്നാമത്തെ മകളാണ്. അതേസമയം, പാകിസ്ഥാന് സൈന്യത്തില് ക്യാപ്റ്റനായി സേവനമനുഷ്ഠിക്കുകയും പിന്നീട് സൈനിക ഓഫീസര്മാര്ക്കായി സംവരണം ചെയ്ത ക്വാട്ടയിലൂടെ സിവില് സര്വീസിലെത്തുകയും ചെയ്തയാളാണ് വരന് അബ്ദുള് റഹ്മാന്. നിലവില് അസിസ്റ്റന്റ് കമ്മീഷണറായി സേവനമനുഷ്ഠിക്കുകയാണ്. പാകിസ്ഥാന് പ്രസിഡന്റ് ആസിഫ് അലി സര്ദാരി, പ്രധാനമന്ത്രി ഷഹ്ബാസ് ഷരീഫ്, ഉപപ്രധാനമന്ത്രി ഇഷാഖ് ദാര്, ഐഎസ്ഐ മേധാവി തുടങ്ങിയവരും, വിരമിച്ച ജനറല്മാര്, മുന് മേധാവികള് തുടങ്ങി പാകിസ്ഥാന് സൈന്യത്തിലെ മറ്റ് അംഗങ്ങളും വിവാഹത്തില് പങ്കെടുത്തതായാണ് റിപ്പോര്ട്ട്. 400 പേരോളം വിവാഹത്തില്…
Read More »