NEWS
-
2020 ല് ഏറ്റവും വലിയ ഒറ്റ കക്ഷിയായ ആര്ജെഡി 2025 എത്തിയപ്പോള് വീണത് മൂക്കുംകുത്തി ; പാര്ട്ടിയുടെ മോശം പ്രകടനത്തിന്റെ റെക്കോഡില് രണ്ടാം സ്ഥാനം, തേജസ്വിയുടെ ബിഗ് ബീഹാര് വന്പരാജയം
പട്ന: ഹൈവോള്ട്ടേജ് ബീഹാര് തിരഞ്ഞെടുപ്പില് രേഖപ്പെടുത്തിയ വോട്ടുകള് എണ്ണിത്തീരുമ്പോള് പ്രധാന പ്രതിപക്ഷമായ ആര്ജെഡിയുടെ സ്കോര് ഒരു ദുഃഖകരമായ കാഴ്ചയാണ്. 143 സീറ്റുകളില് മത്സരിച്ച തേജസ്വി യാദവിന്റെ നേതൃത്വത്തിലുള്ള പാര്ട്ടി ഇപ്പോള് 25 സീറ്റുകളിലേക്ക് വീണു. 2020 ലെ സംസ്ഥാന തിരഞ്ഞെടുപ്പില് ഏറ്റവും വലിയ ഒറ്റകക്ഷിയില് നിന്നും മൂക്കുംകുത്തിയുള്ള വീഴ്ചയായിരുന്നു ആര്ജെഡിക്ക് സംഭവിച്ചത്. ബീഹാര് തിരഞ്ഞെടുപ്പില് ആര്ജെഡിയുടെ ഏറ്റവും മോശപ്പെട്ട പ്രകടനങ്ങളില് രണ്ടാമതുണ്ട് ഈ തെരഞ്ഞെടുപ്പ് ഫലം. 2010 ലെ തെരഞ്ഞെടുപ്പിന് ശേഷം ഇത്രയും വീഴ്ച ആര്ജെഡിയ്ക്ക് ആദ്യമാണ്. എന്ഡിഎയുടെ വന് വിജയത്തിന് ശേഷം നിതീഷ് കുമാര് ബീഹാറില് അധികാരത്തിലെത്തിയ 2005 ലെ നിയമസഭാ തിരഞ്ഞെടുപ്പില് ആര്ജെഡി 55 സീറ്റുകള് നേടിയിരുന്നു. തേജസ്വി യാദവിന്റെ അമ്മ റാബ്രി ദേവി മുഖ്യമന്ത്രിയായിരുന്ന സമയത്ത്, ആര്ജെഡി ഉള്നാടന് സംസ്ഥാനത്ത് വര്ദ്ധിച്ചുവരുന്ന ഭരണവിരുദ്ധ വികാരം നേരിട്ടിരുന്നു. ഈ സമയത്ത് നിതീഷ് കുമാര് ബിജെപിയുമായി സഖ്യമുണ്ടാക്കി വന് വിജയം നേടി. ബീഹാറില് ആര്ജെഡിയുടെ ഭരണം എന്നന്നേക്കുമായി അവസാനിപ്പിച്ചിരുന്നു. 2010…
Read More » -
തോല്വികളേറ്റു വാങ്ങാന് ചന്തുവിന്റെ ജീവിതം പിന്നെയും ബാക്കി ; 20 വര്ഷത്തിനിടയില് തോറ്റു തുന്നംപാടിയത് 95 തവണ ; ഇതൊക്കെ എങ്ങിനെ സഹിക്കാന് കഴിയുന്നു ; രാഹുലിന്റെ തോല്വികളുടെ മാപ്പ് ഇറക്കി ബിജെപി ഐടി സെല്
ന്യൂഡല്ഹി: ബിഹാര് നിയമസഭാ തെരഞ്ഞെടുപ്പില് നാഷണല് ഡെമോക്രാറ്റിക് അലയന്സ് (എന്ഡിഎ) നിര്ണായക വിജയത്തിലേക്ക് നീങ്ങുന്ന സാഹചര്യത്തില്, കോണ്ഗ്രസ് നേതാവ് രാഹുല് ഗാന്ധിക്കെതിരായ ആക്രമണം ബിജെപി വെള്ളിയാഴ്ച രൂക്ഷമാക്കി. വോട്ടെണ്ണല് പുരോഗമിക്കുമ്പോള്, കഴിഞ്ഞ രണ്ട് പതിറ്റാണ്ടുകളായി ഗാന്ധിയുടെ ’95 തിരഞ്ഞെടുപ്പ് പരാജയങ്ങള്’ കാണിക്കുന്ന ഒരു ഭൂപടം സോഷ്യല് മീഡിയയില് അവര് പോസ്റ്റ് ചെയ്തു. 2004 മുതല് 2025 വരെയുള്ള തിരഞ്ഞെടുപ്പുകളുടെ വിശദാംശങ്ങള് ഉള്ക്കൊള്ളുന്ന ഒരു ഗ്രാഫിക് പോസ്റ്റ് ചെയ്ത് ബിജെപി ഐടി സെല് തലവന് അമിത് മാളവ്യയാണ് പരിഹാസത്തിന് നേതൃത്വം നല്കിയത്. അതില് രാഹുല് ഗാന്ധിയുടെ കീഴില് കോണ്ഗ്രസ് സംസ്ഥാന അധികാരം നഷ്ടപ്പെടുകയോ തിരഞ്ഞെടുപ്പ് നേട്ടങ്ങള് കൈവരിക്കുന്നതില് പരാജയപ്പെടുകയോ ചെയ്തു.”രാഹുല് ഗാന്ധി! മറ്റൊരു തിരഞ്ഞെടുപ്പ്, മറ്റൊരു പരാജയം! തിരഞ്ഞെടുപ്പ് സ്ഥിരതയ്ക്ക് അവാര്ഡുകള് ഉണ്ടായിരുന്നെങ്കില്, അദ്ദേഹം അവ തൂത്തുവാരുമായിരുന്നു.ഈ നിരക്കില്, തിരിച്ചടികള് പോലും എങ്ങനെയാണ് അദ്ദേഹം അവയെ ഇത്ര വിശ്വസനീയമായി കണ്ടെത്തുന്നതെന്ന് ചിന്തിക്കുന്നതായിരിക്കണം,” മാളവ്യ എഴുതി. ഗാന്ധി പാര്ട്ടിയുടെ കേന്ദ്ര പ്രചാരകരില് ഒരാളായതിനുശേഷം കോണ്ഗ്രസ്…
Read More » -
പാര്ട്ടി എട്ടുനിലയില് പൊട്ടിയെങ്കിലും രാഘോപൂര് ലാലു കുടുംബത്തോടുള്ള വിശ്വാസം കാത്തു ; കുടുംബസീറ്റ് ഇത്തവണയും തേജസ്വീയാദവിനെ കൈവിട്ടില്ല ; ബിജെപിയുടെ സതീഷിനെ മൂന്നാം തവണയും തോല്പ്പിച്ചു
പാറ്റ്ന: കോണ്ഗ്രസുമായി ചേര്ന്നുണ്ടാക്കിയ മഹാസഖ്യം വന് പരാജയം നേരിട്ടെങ്കിലും ആര്ജെഡി നേതാവ് തേജസ്വീയാദവിനെ കുടുംബ മണ്ഡലമായ രാഘോപൂര് കൈവിട്ടില്ല. ബീഹാര് തെരഞ്ഞെടുപ്പില് 10,000 വോട്ടിന്റെ ലീഡ് നേടി തേജസ്വി യാദവ് രാഘോപൂരില് വീണ്ടും മുന്നിലെത്തി. ബിജെപിയുടെ സതീഷ് കുമാറിനെതിരെ കടുത്ത പോരാട്ടത്തിനൊടുവില് മുന്നേറിയത്. ലാലു കുടുംബത്തിന്റെ പ്രധാന കോട്ടയായ ഈ നിര്ണ്ണായക സീറ്റില് വോട്ടെണ്ണല് പുരോഗമിക്കുമ്പോള് ഇഞ്ചോടിഞ്ച് പോരാട്ടമാണ് നേരിടേണ്ടി വന്നത്. 30 റൗണ്ടുകളില് 24-ാം റൗണ്ടിന് ശേഷമുള്ള പുതിയ കണക്കുകള് പ്രകാരം, രാഷ്ട്രീയ ജനതാദള് (ആര്ജെഡി) നേതാവ് തേജസ്വി പ്രസാദ് യാദവ് ബിജെപിയുടെ സതീഷ് കുമാറിനെതിരെ തന്റെ ലീഡ് വര്ദ്ധിപ്പിക്കുകയും സീറ്റില് പിടിമുറുക്കുകയും ചെയ്തിരിക്കുന്നു. മഹാസഖ്യത്തിന്റെ മുഖ്യമന്ത്രി സ്ഥാനാര്ത്ഥിയായിരുന്നു തേജസ്വി. ആദ്യ തിരിച്ചടികള്ക്ക് ശേഷം, ആര്ജെഡി നേതാവ് പിന്നീട് ഭൂരിപക്ഷത്തോടെ മുന്നേറി. ഇത് ഈ നിര്ണ്ണായക മണ്ഡലത്തില് ഒരു നിര്ണ്ണായക മാറ്റം കുറിക്കുന്നു. വോട്ടെണ്ണല് അവസാന ഘട്ടത്തിലേക്ക് അടുക്കുമ്പോള് അദ്ദേഹം വീണ്ടും മുന്നേറി. വൈശാലി ജില്ലയിലെ രാഘോപൂര് ഈ തിരഞ്ഞെടുപ്പില്…
Read More » -
അതൊക്കെ ഒരു കാലം….! 2020 ല് 29 സീറ്റുകളില് മത്സരിച്ചിട്ട് 16 എണ്ണത്തില് ജയിച്ചു ; ഇത്തവണ 33 സീറ്റുകളില് മത്സരിച്ചിട്ട് കിട്ടിയത് നാലു സീറ്റുകള് ; ബീഹാറില് കനത്തതിരിച്ചടി കിട്ടിയത് ഇടതുപക്ഷ പാര്ട്ടികള്ക്ക്
പാറ്റ്ന: ബിജെപി വന് വിജയം നേടിയ ബീഹാര് തെരഞ്ഞെടുപ്പില് കനത്ത തിരിച്ചടി കിട്ടിയത് ഇടതുപക്ഷ പാര്ട്ടികള്ക്ക്. സിപിഎം എല് നാലിടത്തും സിപിഎം ഒരിടത്തും വിജയം നേടി. ഇടതുപക്ഷം ബീഹാറില് മത്സരിച്ചത് 33 സീറ്റുകളിലായിരുന്നു. 2020 ലെ തിരഞ്ഞെടുപ്പില്, മഹാസഖ്യത്തിന്റെ ഭാഗമായി മത്സരിച്ച ഇടതുപക്ഷം 29 സീറ്റുകളില് മത്സരിച്ചതില് 16 എണ്ണത്തില് വിജയം നേടിയിരുന്നു. 55 ശതമാനമായിരുന്നു അന്നത്തെ സ്ട്രൈക്ക് റേറ്റ്. സി പി ഐ (എം എല്) ലിബറേഷന് ആകെയുള്ള 19 സീറ്റുകളില് 12 ലും വിജയിക്കുകയും ചെയ്തിരുന്നു. ഈ വിജയം മഹാസഖ്യത്തിന് 110 സീറ്റുകള് നേടുന്നതിലും നിര്ണായകമായിരുന്നു. എന്നാല് ഇത്തവണത്തെ തിരഞ്ഞെടുപ്പില് ഇടതുപക്ഷം കനത്ത തിരിച്ചടിയാണ് നേരിട്ടത്. ജാതി രാഷ്ട്രീയത്തിന്റെ സ്വാധീനവും എന്.ഡി.എയുടെ ശക്തമായ പ്രകടനവും മറ്റ് പ്രാദേശിക പാര്ട്ടികളുമായുള്ള സീറ്റ് വിഭജനത്തിലെ പ്രശ്നങ്ങളുമെല്ലാം 2020 ലെ പ്രകടനം ആവര്ത്തിക്കുന്നതില് നിന്ന് ഇടതുപക്ഷത്തെ തടഞ്ഞതായാണ് പൊതുവേയുള്ള വിലയിരുത്തല്. 2020ല് 12 ഇടങ്ങളില് സി പി ഐ എം എല് ലിബറേഷന്…
Read More » -
ബീഹാറിലെ ബിജെപിയുടെ വിജയം ഭരണകൂടത്തെ ദുരുപയോഗം ചെയ്ത് നേടിയത് ; എന്ഡിഎ വലിയ തോതില് പണവും മസില് പവറും ഉപയോഗിച്ചു ; ഇതിന്റെ കൂടുതല് വിശദാംശങ്ങള് ശേഖരിച്ച് ജനങ്ങളുടെ മുന്നില് അവതരിപ്പിക്കും
പാറ്റ്ന: ബിഹാര് തിരഞ്ഞെടുപ്പില് വലിയതോതില് പണവും മസില് പവറും ഉപയോഗിച്ചിട്ടുണ്ടെന്നും ഭരണകൂടത്തെ ദുരുപയോഗപ്പെടുത്തുകയും ചെയ്തിട്ടുണ്ടെന്ന് സിപിഐഎം ജനറല് സെക്രട്ടറി എം എ ബേബി. കൂടുതല് വിശദാംശങ്ങള് ശേഖരിച്ച് ജനങ്ങളുടെ മുന്നില് അവതരിപ്പിക്കുമെന്നും അദ്ദേഹം പറഞ്ഞു. 2010-ലെ തകര്ച്ചയ്ക്ക് സമാനമാണ് ആര്ജെഡിയുടെയും കോണ്ഗ്രസിന്റെയും പ്രകടനം. മഹാസഖ്യം പാര്ട്ടികളില് സ്ട്രൈക്ക് റേറ്റ് കൂടുതല് ആര്ജെഡിക്കാണ്. ഇരുപത് ശതമാനം. കോണ്ഗ്രസിന് എട്ട് ശതമാനം മാത്രം. അതേസമയം, 2010ന് ശേഷമുള്ള വലിയ തകര്ച്ചയാണ് ബിഹാറില് മഹാസഖ്യം നേരിട്ടത്. കഴിഞ്ഞ തവണത്തേതിനെക്കാള് പകുതി സീറ്റുകളില് പോലും വിജയിക്കാനായില്ല. അറുപത്തിയൊന്ന് സീറ്റില് മത്സരിച്ച കോണ്ഗ്രസ് രണ്ട് സീറ്റിലൊതുങ്ങി. സൗഹൃദമത്സരമെന്ന നിലയില് പന്ത്രണ്ട് സീറ്റുകളിലാണ് സഖ്യത്തിലെ പാര്ട്ടികള് പരസ്പരം ഏറ്റുമുട്ടിയത്. ഇതില് സികാന്ദ്ര, കര്ഗാഹര് മണ്ഡലങ്ങളില് ഒഴികെ എന്ഡിഎ അനായാസ ജയം നേടി. കഴിഞ്ഞ തവണ എഴുപതില് 19ല് മാത്രം ജയിച്ച കോണ്ഗ്രസിന് ഇക്കുറി ആഘാതം ഇരട്ടിയായി. 61 സീറ്റില് മത്സരിച്ച കോണ്ഗ്രസ് രണ്ടക്കം പോലും കടന്നില്ല. എന്തെല്ലാം ഘടകങ്ങള് അവിടെ…
Read More » -
പ്രവര്ത്തന മികവിന് ജനങ്ങള് നല്കിയ പിന്തുണ ; ബിഹാറിലെ ജനങ്ങള് കുടുംബവാഴ്ചയും അഴിമതിയും നിറഞ്ഞ കോണ്ഗ്രസിനെയും ആര്.ജെ.ഡി.യുടെയും തള്ളി ; അടുത്ത ഊഴം കേരളമെന്ന് രാജീവ് ചന്ദ്രശേഖര്
പാറ്റ്ന: പ്രവര്ത്തന മികവിന് ജനങ്ങള് നല്കിയ പിന്തുണയാണ് ബീഹാറിലെ ബിജെപിയുടെ പടുകൂറ്റന് വിജയമെന്നും അടുത്ത ഊഴം കേരളമാണെന്നും ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര്. ബിഹാര് തിരഞ്ഞെടുപ്പ് നല്കുന്ന സന്ദേശം വ്യക്തമാണെന്നും ബിഹാറിലെ ജനങ്ങള് കുടുംബവാഴ്ചയും അഴിമതിയും നിറഞ്ഞ കോണ്ഗ്രസിന്റെയും ആര്.ജെ.ഡി.യുടെയും ജംഗിള് രാജ് രാഷ്ട്രീയത്തെ തള്ളിക്കളഞ്ഞെന്നും രാജീവ് ചന്ദ്രശേഖര് ഫേസ്ബുക്കില് കുറിച്ചു. ഒപ്പം കുടുംബവാഴ്ചയും അഴിമതിയും നിറഞ്ഞ കോണ്ഗ്രസിന്റെയും ആര്.ജെ.ഡി.യുടെയും ജംഗിള് രാജ് രാഷ്ട്രീയത്തെ തള്ളിക്കളഞ്ഞതിനും അഭിനന്ദനങ്ങളെന്നും ബിജെപി സംസ്ഥാന അദ്ധ്യക്ഷന് കുറിച്ചു. പ്രധാനമന്ത്രി നരേന്ദ്ര മോദി ജിയുടെ നേതൃത്വത്തില് ബി.ജെ.പിയും എന്.ഡി.എയും മുന്നോട്ടു വയ്ക്കുന്ന പ്രവര്ത്തന മികവിന്റെ രാഷ്ട്രീയത്തിന് വീണ്ടും പിന്തുണ നല്കിയ ബിഹാറിലെ ജനങ്ങള്ക്ക് അഭിനന്ദനങ്ങള്.
Read More » -
ഇങ്ങനെ കരയല്ലേ വാര്യരെ…. ആ കണ്ണുനീർ തുടച്ചു കളഞ്ഞിട്ട് പറയൂ…ഒറിജിനാലിറ്റി കിട്ടും… കമെന്റ്!! ‘നമ്മൾ ഒരുപക്ഷേ പോരാട്ടത്തിൽ തോറ്റിരിക്കാം, എന്നാൽ യുദ്ധത്തിലല്ല, ലക്ഷ്യം കാണുന്നതുവരെ കോൺഗ്രസിന്റെ പോരാട്ടം തുടരും- കുറിപ്പുമായി സന്ദീപ് ജി വാര്യർ
കോഴിക്കോട്: ബിഹാർ നിയമസഭാ തിരഞ്ഞെടുപ്പിൽ കോൺഗ്രസ് തോറ്റ് തുന്നംപാടിയിട്ടും ശുഭപ്രതീക്ഷ നഷ്ടപ്പെടാതെ സന്ദീപ് ജി വാര്യർ. ശുഭപ്രതീക്ഷ തരുന്ന കുറിപ്പാണ് നേതാവ് സമൂഹമാധ്യമത്തിൽ പങ്കുവച്ചത്. ‘നമ്മൾ ഒരുപക്ഷേ പോരാട്ടത്തിൽ തോറ്റിരിക്കാം, എന്നാൽ യുദ്ധത്തിലല്ല’, എന്ന് അദ്ദേഹം ഫേയ്സ്ബുക്കിൽ കുറിച്ചു. എന്നാൽ ഇതിനു താഴെ നിരവധി പേരാണ് കമെന്റുമായെത്തിയിരിക്കുന്നത്. ആ കണ്ണുനീർ തുടച്ചു കളഞ്ഞിട്ട് പറയൂ…ഒറിജിനാലിറ്റി കിട്ടും… എന്നാണു ഒരാളുടെ കമെന്റ്, റ്റാറ്റാ ബൈ ബൈ ഖതം ഗുഡ് ബൈ ഇനി അടുത്ത പാട്ട് മത്സരത്തിന് കാണാം … ഇങ്ങനെ കരയല്ലേ വാര്യരെ, എന്നിങ്ങനെ നീളുന്നു കമെന്റുകൾ. സന്ദീപ് ജി വാര്യരുടെ ഫേസ്ബുക്ക് പോസ്റ്റ് ഇങ്ങനെ- We might have lost the battle but not the war.. നമ്മുടെ സ്വാതന്ത്ര്യവും ഭരണഘടനയും തുല്യതയും സംരക്ഷിക്കാനുള്ള പോരാട്ടത്തിൽ താൽക്കാലിക തിരിച്ചടി ഉണ്ടായിരിക്കാം.. എന്നാൽ ലക്ഷ്യം കാണുന്നതുവരെ കോൺഗ്രസിന്റെ പോരാട്ടം തുടരും. അന്തിമവിജയം ഇന്ത്യൻ നാഷണൽ കോൺഗ്രസിനായിരിക്കും. ഇന്ത്യക്കായിരിക്കും അതേസമയം ബിഹാറിൽ മഹാസഖ്യം…
Read More » -
രാഹുല് ഗാന്ധി മുങ്ങിയോ? സോഷ്യല് മീഡിയയില് ട്രോള് പെരുമഴ; ഹീത്രോ വിമാനത്താവളത്തിലൂടെ രക്ഷപ്പെട്ടെന്നു പ്രചാരണം; കോണ്ഗ്രസ് നേതാക്കള് തോല്വിയെ പ്രതിരോധിക്കാന് പാടുപെടുമ്പോള് രാഹുലിന്റെ അസാന്നിധ്യം; ബിഹാറില് കോണ്ഗ്രസിനെക്കാള് സീറ്റ് നേടി ഇടതു പാര്ട്ടികള്
ബിഹാര് തെരഞ്ഞെടുപ്പില് കോണ്ഗ്രസ് കനത്ത തോല്വിയില് അടി പതറിയപ്പോള് മറുപടി പറയാന് രാഹുല് ഗാന്ധിയില്ല. കോണ്ഗ്രസിന്റെ നിരാശാജനകമായ പ്രകനത്തിനിടെ രാഹുല് ഗാന്ധിയുടെ അഭാവം ചര്ച്ചയാക്കി സോഷ്യല് മീഡിയ. പാര്ട്ടിയുടെ മുഖ്യ നേതാവായ രാഹുല് ഗാന്ധി എവിടെയെന്ന ചോദ്യമാണു സോഷ്യല് മീഡിയ ഉയര്ത്തുന്നത്. ഹീത്രോ വിമാനത്താവളത്തിലൂടെ രാഹുലും സഹോദരിയുടെ മകളും രക്ഷപ്പെട്ടെന്നു വീഡിയോ പ്രചരിപ്പിച്ചെങ്കിലും ഇതു പഴയതാണെന്നു വ്യക്തമായി. എന്നാല്, ഇതിനെ അടിസ്ഥാനമാക്കിയ ട്രോള് പെരുമഴയ്ക്കു ശമനമില്ല. ലണ്ടന് അല്ലെങ്കില് മസ്കറ്റ് യാത്ര ചെയ്തതായുള്ള അഭ്യൂഹങ്ങള്ക്കും ഔദ്യോഗിക സ്ഥിരീകരണമൊന്നും നിലവിലില്ലെന്ന് ഫാക്ട്-ചെക്ക് പ്ലാറ്റ്ഫോം ന്യൂസ്മീറ്ററും അറിയിച്ചു. ബിജെപി വക്താവ് ജയവീര് ഷെര്ഗില് രാഹുല് ഗാന്ധിയുടെ വിദേശയാത്രയെ സൂചിപ്പിക്കുന്ന തരത്തില് പ്രതികരിച്ചെങ്കിലും, അതിന് തെളിവൊന്നും അദ്ദേഹം നല്കിയില്ല. ബിഹാര് പ്രചാരണത്തില് രാഹുല് പിന്നോട്ടായിരുന്നെന്ന വിമര്ശനവും ഉയരുന്നുണ്ട്. നേതാക്കളായ തേജസ്വി യാദവുമായി ചേര്ന്ന് 23 ജില്ലകളിലൂടെ 1,300 കിലോമീറ്റര് ദൈര്ഘ്യമുള്ള ‘വോട്ട് അധികാര് യാത്ര’ രാഹുല് ഗാന്ധി നടത്തി. വോട്ടാവകാശം, ജനസമ്പര്ക്കം തുടങ്ങിയവയെ കേന്ദ്രീകരിച്ചായിരുന്നു യാത്ര.…
Read More » -
ബീഹാറില് കോണ്ഗ്രസ് തകരുമ്പോള് പാവം പാവം രാജകുമാരന്; കോണ്ഗ്രസ് ഇനിയെന്തു ചെയ്യണം ; സോഷ്യല് മീഡിയയില് ചര്ച്ചയും പൊങ്കാലയും ; ട്രോളിത്തീരാതെ മലയാളികളും ; കോണ്ഗ്രസ് രക്ഷപ്പെടാന് ജംബോ നിര്ദ്ദേശങ്ങള്
ബീഹാറില് എന്ഡിഎ വന്വിജയം നേടിയതിനേക്കാള് വലിയ ചര്ച്ച അവിടെ കോണ്ഗ്രസിനേറ്റ നിലംതൊടാതെയുള്ള തോല്വിയാാണ്. വോട്ട് ചോരി പത്രസമ്മേളനം ആഘോഷമാക്കി തെരഞ്ഞെടുപ്പ് കമ്മീഷനെ വരെ പ്രതിക്കൂട്ടിലാക്കിയ കോണ്ഗ്രസും രാഹുല്ഗാന്ധിയും ബീഹാറിലെ വോട്ടുപെട്ടികള് ഒന്നൊന്നായി തുറക്കുമ്പോള് അന്തം വിടുകയായിരുന്നു. സന്ദേശം എന്ന സത്യന് അന്തിക്കാട് സിനിമയില് ജയറാം ചോദിക്കുന്നതു പോലെ എന്നാലും ഇങ്ങനെയുണ്ടോ ഒരു തോല്വി…എന്ന് കോണ്ഗ്രസുകാര് അമ്പരക്കുന്നു. പാവം പാവം രാജകുമാരന് എന്ന ടൈറ്റിലിട്ട് രാഹുല്ഗാന്ധിയെ സോഷ്യല്മീഡിയയില് വാരാന് മലയാളികളുമുണ്ട്. ശക്തമായ ഭാഷയില് കോണ്ഗ്രസിന്റെ തോല്വിയെ വിമര്ശിക്കുന്നവര്ക്കൊപ്പം കോണ്ഗ്രസിനെ അടിമുടി പൊളിച്ചടുക്കുന്ന ട്രോളുകളുമായി മലയാളക്കരയും സജീവമാണ്. ഇനി ബീഹാര് ബോംബ് എന്ന ടൈറ്റിലോടെ രാഹുലിനെ അവതരിപ്പിച്ചിട്ടുണ്ട് ചിലര്. ബീഹാറിലെ വോട്ടുകൊള്ളയുടെ കഥകളുമായി അടുത്ത എപ്പിസോഡെന്നും കമന്റുണ്ട്. ജരാനരകള് ബാധിച്ച ഒരു യുവാവ് പട്ടായയിലേക്ക് ഇനി എപ്പോഴാണ് ഫ്ളൈറ്റ് എന്നു ചോദിച്ച് നിരന്തരം വിളിച്ച് ശല്യം ചെയ്യുന്നതായി എയര് ഇന്ത്യ പരാതിപ്പെട്ടെന്ന് മലയാളി ട്രോളന്മാരുടെ ഡയലോഗ്. കൂടെ സിഐഡി മൂസയില് ദിലീപ് വിമാനത്തില്…
Read More » -
കോണ്ഗ്രസ് വീണപ്പോള് പരിഹാസമൊളിപ്പിച്ച വിമര്ശനവുമായി ശശി തരൂര്; ‘എന്നെ പ്രചാരണത്തിനു ക്ഷണിച്ചില്ല, പോയവര് മറുപടി പറയട്ടെ’; തരൂരിന് രാജിവച്ചിട്ടു വിമര്ശിക്കാമെന്നു തിരിച്ചടിച്ച് എം.എം. ഹസന്; ദേശീയ തലത്തിലെ തോല്വിയില് പാളയത്തിലും പട; കോണ്ഗ്രസിനെ കാത്തിരിക്കുന്നത് വന് തകര്ച്ചകളോ?
തിരുവനന്തപുരം: ബിഹാര് തെരഞ്ഞെടുപ്പ് ഫലത്തിനു പിന്നാലെ പരിഹാസമൊളിപ്പിച്ച വിമര്ശനവുമായി കോണ്ഗ്രസ് വര്ക്കിംഗ് കമ്മിറ്റി അംഗം ശശി തരൂര്. തോല്വിയെക്കുറിച്ചു പ്രചാരണത്തിനു പോയവര് മറുപടി പറയട്ടെ. തന്നെ പ്രചാരണത്തിനു ക്ഷണിച്ചില്ലെന്നും തരൂര് പറഞ്ഞു. എവിടെയാണ് തെറ്റുപറ്റിയതെന്ന് പരിശോധിക്കണമെന്നും പരാജയകാരണം പഠിക്കാന് പാര്ട്ടിക്ക് ഉത്തരവാദിത്വമുണ്ട്. സ്ത്രീ വോട്ടര്മാര്ക്ക് തെരഞ്ഞെടുപ്പിന് തൊട്ടുമുമ്പ് സഹായങ്ങള് നല്കിയിരുന്നു. സംസ്ഥാന സര്ക്കാരുകള് ഇത്തരത്തില് സഹായങ്ങള് നല്കുന്നത് പുതുമയുള്ളതല്ല. അത് ചെയ്യുന്നതില് സര്ക്കാരുകളെ തടയാനും കഴിയില്ലെന്ന് തരൂര് പറഞ്ഞു. ബി.ജെ.പിയുടെ ഭിന്നിപ്പിക്കല് രാഷ്ട്രീയ പ്രതിരോധിക്കാന് ശ്രമിക്കുന്നതിനിടെ കോണ്ഗ്രസ് കൂടുതല് ഇടതുപക്ഷ സ്വഭാവമുള്ള പാര്ട്ടിയായി മാറിയെന്നു മറ്റൊരു വേദിയിലും തരൂര് വിമര്ശനം ഉന്നയിച്ചു. ഹൈദരാബാദില് ജ്യോതി കോമിറെഡ്ഡി സ്മാരക പ്രഭാഷണത്തില് ‘റാഡിക്കല് സെന്ട്രിസം: മൈ വിഷന് ഫോര് ഇന്ത്യ’ എന്ന വിഷയത്തില് സംസാരിക്കുകയായിരുന്നു ശശി തരൂര്. വിശ്വാസങ്ങളെയും പ്രത്യയശാസ്ത്രത്തെയും കുറിച്ചാണെന്നും അവിടെ ചില വിടവുകള് നികത്തേണ്ടതുണ്ടെന്നും അദ്ദേഹം പറഞ്ഞു. ബി.ജെ.പിയുടെ രാഷ്ട്രീയത്തിനെതിരെ കോണ്ഗ്രസും ഇടതുപാര്ട്ടികളും ഒന്നിക്കുന്നത് റാഡിക്കല് സെന്ട്രിസത്തിന്റെ പ്രായോഗിക രൂപമാണോ എന്ന…
Read More »