ഇരട്ടക്കുഞ്ഞുങ്ങളില്‍ ഒരാള്‍ മരിച്ചു. പങ്കാളി ജോര്‍ജിന റോഡ്രിഗസും ക്രിസ്റ്റ്യാനോയും സംയുക്തമായി സമൂഹമാധ്യമം വഴിയാണ് വിവരം പുറത്തുവിട്ടത്.ഇരട്ടകളായ ആണ്‍കുഞ്ഞിനും പെണ്‍കുഞ്ഞിനുമാണ് ജോര്‍ജിന ജന്മംനല്‍കിയത്.ഇതില്‍ ആണ്‍കുഞ്ഞാണ് മരിച്ചത്.
ഏതൊരു രക്ഷിതാവിനും അനുഭവിക്കാവുന്ന ഏറ്റവും കടുത്ത വേദനയാണിതെന്ന് ക്രിസ്റ്റ്യാനോ പ്രതികരിച്ചു. ഇരട്ടകുഞ്ഞുങ്ങളില്‍ അവശേഷിക്കുന്ന പെണ്‍കുഞ്ഞിനെ കുറിച്ചുള്ള സ്വപ്നങ്ങളും പ്രതീക്ഷകളുമാണ് ഈ നിമിഷത്തെ അതിജീവിക്കാനുള്ള കരുത്ത് തങ്ങള്‍ക്ക് നല്‍കുന്നതെന്നും അദ്ദേഹം സാമൂഹിക മാധ്യമങ്ങളില്‍ പങ്കുവെച്ച കുറിപ്പില്‍ ചൂണ്ടികാട്ടി.
