ഇഞ്ചിക്കറി
1.വാളന്‍പുളി – 50 ഗ്രാം
2.വെളിച്ചെണ്ണ – മൂന്നു വലിയ സ്പൂണ്‍
3.ഇഞ്ചി പൊടിയായി അരിഞ്ഞത് – 75 ഗ്രാം
4.കടുക് – ഒരു ചെറിയ സ്പൂണ്‍
വറ്റല്‍മുളക് – മൂന്ന്, കഷണങ്ങളാക്കിയത്
കറിവേപ്പില – പാകത്തിന്
പച്ചമുളക് പൊടിയായി അരിഞ്ഞത് – 10 ഗ്രാം
5.മഞ്ഞള്‍പ്പൊടി – ഒരു ചെറിയ സ്പൂണ്‍
മുളകുപൊടി – ഒരു വലിയ സ്പൂണ്‍
കായം – 20 ഗ്രാം
ശര്‍ക്കര – 75 ഗ്രാം
6.ഉപ്പ് – പാകത്തിന്
7.ഉലുവപ്പൊടി – അര ചെറിയ സ്പൂൺ
പാകം ചെയ്യുന്ന വിധം
· വാളന്‍പുളി നാലു കപ്പ് വെള്ളത്തില്‍ കുതിര്‍ത്തു പിഴിഞ്ഞ് വയ്ക്കണം.
· എണ്ണ ചൂടാക്കി ഇഞ്ചി അരിഞ്ഞത് വറുത്ത് കോരി മാറ്റി വയ്ക്കുക.
· അതേ എണ്ണയില്‍ കടുക് പൊട്ടിച്ച് വറ്റല്‍മുളകും കറിവേപ്പിലയും പച്ചമുളകും ചേര്‍ക്കണം.
· ഇതിലേക്ക് അഞ്ചാമത്തെ ചേരുവ ചേര്‍ത്തു മൂപ്പിക്കണം.
· നന്നായി മൂത്തശേഷം ഇഞ്ചി വറുത്തതു ചേര്‍ക്കണം.
· ഇതിലേക്ക് പുളിവെള്ളം ചേര്‍ത്ത് നന്നായി യോജിപ്പിച്ച് തിളപ്പിക്കണം.
· പാകത്തിന് ഉപ്പും ഉലുവപ്പൊടിയും ചേര്‍ത്ത് ഇളക്കി വാങ്ങാം.
