കൊല്ലം: യുവതിയെ ഭർതൃഗൃഹത്തിൽ തൂങ്ങി മരിച്ച നിലയിൽ കണ്ടെത്തി. കുലശേഖരപുരം, ആദിനാട് വടക്ക്, ഗുരുപ്രീതി വീട്ടിൽ സുബിൻ്റെ ഭാര്യ ആതിര(26)യെയാണ് വീടിനുള്ളിൽ കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തിയത്.
ഞായറാഴ്ച രാത്രി 7 മണിയോടെയാണ് ബന്ധുക്കൾ മൃതദേഹം കണ്ടത്. ഇവരുടെ വിവാഹം കഴിഞ്ഞ് 6 വർഷമായിരുന്നെങ്കിലും കുട്ടികൾ ഉണ്ടായിരുന്നില്ല. ഭർത്താവുമായി പിണങ്ങിയിരിക്കെ അടുത്ത കാലത്താണ് തിരികെ ഭർതൃഗൃഹത്തിൽ താമസം തുടങ്ങിയിയതെന്ന് പറയയുന്നു. കരുനാഗപ്പള്ളി പോലീസ് എത്തി തുടർ നടപടികൾ സ്വീകരിച്ചു.
യുവതിയുടെ ബന്ധുക്കൾ മരണത്തിൽ സംശയം പ്രകടിപ്പിച്ചു. തുടർന്ന് ഉന്നത ഉദ്യോഗസ്ഥരെത്തി ഇൻക്വസ്റ്റ് തയ്യാറാക്കി.
