ആദ്ധ്യാത്മികരംഗത്ത് ശങ്കരാചാര്യരുടെ മഹത്വം കുറച്ചുകാണുന്നില്ല.പക്ഷെ രാജ്യത്തെ ബ്രാഹ്‌മണരും അല്ലാത്തവരുമായ സവര്‍ണ്ണ സമുദായങ്ങളാണ് ശങ്കരാചാര്യരുടെ ഇപ്പോഴത്തെ പ്രയോക്താക്കള്‍.ഇവരുടെ താത്പര്യത്തിന് വേണ്ടിയാകും ശ്രീനാരായണഗുരുവിന്റെ പ്രതിമ മാറ്റണമെന്ന നിര്‍ദേശമുണ്ടായത്. സംസ്ഥാനത്തെ അവഹേളിക്കുന്ന നിലപാടായിപ്പോയി ഇത്. ഇക്കാര്യം കേന്ദ്രസര്‍ക്കാര്‍ ഗൗരവത്തോടെ കാണണം. സംസ്ഥാന സര്‍ക്കാരും പ്രതിഷേധമറിയിക്കണം. യോഗം ഇരുസര്‍ക്കാരുകള്‍ക്കും പരാതി സമര്‍പ്പിക്കുമെന്നും വെള്ളാപ്പള്ളി പറഞ്ഞു.
