പിണ്ടിമേട് വെള്ളച്ചാട്ടം: കേരളത്തിലെ ഏറ്റവും വലിയ വെള്ളച്ചാട്ടം

കോതമംഗലം ടൗണിൽ നിന്നു് 44 കിലോമീറ്റർ അകലെ കുട്ടമ്പുഴ  ഗ്രാമപഞ്ചായത്തിൽ പൂയംകുട്ടി അങ്ങാടിയിൽ നിന്നും 8 കിലോ മീറ്റർ ഉൾവനത്തിൽ ആയാണ് പിണ്ടിമേട്  വെള്ളച്ചാട്ടം. പെരിയാറിന്റെ  പോഷകനദിയായ ഇടമലയാറിന്റെ  കൈവഴിയായ മുതിരപ്പുഴയാറിൽ  ചേരുന്ന  കരിന്തിരി ആറിൽ ആണ്  കേരളത്തിലെ ഏറ്റവും ഉയരം കൂടിയ ഈ വെള്ളച്ചാട്ടം ഉള്ളത് പുഴയുടെ അടിവശത്തു നിന്നല്ലാതെ ഇത് പൂർണമായി കാണാൻ സാധിക്കില്ല.മോഹൻലാൽ നായകനായ പുലിമുരുകൻ എന്ന സിനിമ ഇവിടെ വെച്ച് ചിത്രീകരിച്ചതോടെയാണ്  ഈ പ്രദേശം പ്രശസ്തി കൈവരിക്കുന്നത്.

പിണ്ടിമേട് വെള്ളച്ചാട്ടവും, ആനമുടി മലനിരകളും, പൂയംകുട്ടി വനവും ഉൾപ്പെടുന്ന മനോഹരമായ ഈ പ്രദേശങ്ങൾ കാണാൻ നിരവധി പേരാണ് ഇന്ന്  ഇവിടെ എത്തുന്നത്.