കർണാടകയിലെ കാര്യമാണ്.477 നഴ്സിംഗ് കോളേജുകൾ.830 നഴ്സിംഗ് സ്കൂളുകൾ.ഓരോ വർഷവും വീണ്ടും വീണ്ടും പുതിയവ തുടങ്ങാൻ യാതൊരു മാനദണ്ഡങ്ങൾ പാലിക്കാതെയുമുള്ള അനുവാദങ്ങൾ.കർണാടകയിലെ പല നഴ്സിംഗ് ഇൻസ്റ്റിറ്റ്യൂട്ടുകളും പ്രവർത്തിക്കുന്നത് വെറും കടലാസ്സിൽ മാത്രം.ഇതിൽ പല സ്ഥാപനങ്ങൾക്കും കർണാടക നഴ്സിംഗ് കൗൺസിലിന്റെ പോലും അംഗീകാരമില്ല.വിദേശ രാജ്യങ്ങളുടെ പരാതിയെ തുടർന്ന് ഇപ്പോൾ വ്യാജ ബിഎസ്സി, എംഎസി, ജിഎൻഎം നഴ്സിംഗ് പഠന തട്ടിപ്പുകൾ പുറത്തുവരുമ്പോൾ പൂട്ടു വീഴാൻ പോകുന്നത് നൂറുകണക്കിന് നഴ്സിംഗ് പഠന സ്ഥാപനങ്ങൾക്കാണ്.അതായത് ലക്ഷങ്ങൾ കൊടുത്ത് ഇവിടെ നിന്നും പഠിച്ചിറങ്ങിയവരുടെ സർട്ടിഫിക്കറ്റിന് കടലാസിന്റെ വിലപോലും ഇല്ലെന്നർത്ഥം. മറ്റൊരു വശത്ത് ഫീസിനത്തിലുള്ള കൊള്ള നിർബാധം തുടരുകയും ചെയ്യുന്നു.
ഏജന്റുമാർ മുഖേനയും അല്ലാതെയും കർണാടകയിൽ നഴ്സിംഗ് പഠനത്തിനായി വരുന്നവർ ഈ അനധികൃത നഴ്സിംഗ് പഠന സ്ഥാപനങ്ങളുടെ മാത്രമല്ല ഏജന്റുമാർ ഉൾപ്പടെ പലരുടെയും കറവ പശുക്കളാണ് എന്ന് ഇനിയെങ്കിലും മനസ്സിലാക്കുക.കേരളത്തിലെ ഇൻസ്റ്റിറ്റ്യൂട്ടുകളിൽ നിങ്ങളുടെ കുഞ്ഞുങ്ങൾക്ക് പഠിക്കാനുള്ള അവസരം ഒരുക്കുക, അല്ലാത്തപക്ഷം ഏജന്റുമാരുടെ ചതിയിൽ വീഴാതെ നേരിട്ട് പോയി കാര്യങ്ങൾ അന്വേഷിച്ച ശേഷം മാത്രം നിങ്ങളുടെ കുഞ്ഞുങ്ങൾക്ക് അന്യ സംസ്ഥാനങ്ങളിൽ അഡ്മിഷൻ ശരിപ്പെടുത്തുക.
