നേപ്പാളില് കലാപത്തിനിടെ ജയില്ചാടിയത് 7000 തടവുകാര് ; അഞ്ച് കുട്ടിക്കുറ്റവാളികള് വെടിയേറ്റ് മരിച്ചു ; രക്ഷപ്പെട്ട കുറ്റവാളികളെ നാട്ടുകാര് പിന്തുടര്ന്ന് പിടികൂടി പോലീസിന് കൈമാറി
കാഠ്മണ്ഡു: പ്രധാനമന്ത്രി കെ.പി. ശര്മ്മ ഒലി ചൊവ്വാഴ്ച രാജിവയ്ക്കാന് നിര്ബന്ധിതനാക്കിയ ദിവസങ്ങളോളം നീണ്ടുനിന്ന നേപ്പാളിലെ ജന്സീ പ്രതിഷേധങ്ങള്ക്കിടെ രാജ്യത്തുടനീള മുള്ള ജയിലുകളില് നിന്നും ചാടിയത് 7000 തടവുകാരെന്ന് റിപ്പോര്ട്ട്. പടിഞ്ഞാറന് നേപ്പാളി ലെ ഒരു കറക്ഷണല് ഹോമില് ഏറ്റുമുട്ടലില് അഞ്ച് കുട്ടിക്കുറ്റവാളികള് കൊല്ലപ്പെട്ടതായും റിപ്പോര്ട്ടുകള് പറയുന്നു.
ബാങ്കെ ജില്ലയിലെ ബൈജ്നാഥ് റൂറല് മുനിസിപ്പാലിറ്റി-3-ലെ നൗബസ്ത കറക്ഷണല് ഹോമില് ചൊവ്വാഴ്ച രാത്രിയാണ് അഞ്ച് കുട്ടിക്കുറ്റവാളികള് മരിച്ചത്. കാവല്ക്കാരില് നിന്ന് ആയുധ ങ്ങള് പിടിച്ചെടുക്കാന് ശ്രമിച്ചതിനെ തുടര്ന്നായിരുന്നു ഏറ്റുമുട്ടല്. തുടര്ന്ന് പോലീസ് നടത്തി യ വെടിവയ്പ്പില് അഞ്ച് കുട്ടിക്കുറ്റവാളികള് കൊല്ലപ്പെടുകയും നാല് പേര്ക്ക് ഗുരുതരമായി പരിക്കേല്ക്കുകയും ചെയ്തു. ജയിലിലെ 585 തടവുകാരില് 149 പേരും ജുവനൈല് ഹോമിലെ 176 തടവുകാരില് 76 പേരും ഈ സംഘര്ഷത്തിനിടെ രക്ഷപ്പെട്ടതായി അധികൃതര് സ്ഥിരീ കരിച്ചു. ഇവരെ കണ്ടെത്താനായി സുരക്ഷാ സേനയെ വിന്യസിച്ചിട്ടുണ്ട്.
ചൊവ്വാഴ്ച മുതല് നേപ്പാളിലുടനീളമുള്ള ജയിലുകളില് നിന്ന് ഏകദേശം 7,000 തടവുകാര് രക്ഷപ്പെട്ടു. കാഠ്മണ്ഡുവിലെ ദില്ലിബസാര് ജയില് (1,100), നഖു (1,200), സുന്സരിയിലെ ജുംപ്ക (1,575), ചിത്വാന് (700), കാസ്കി (773) എന്നിവിടങ്ങളിലെ പ്രധാന ജയിലുകളില് നിന്നാണ് തടവുകാര് രക്ഷപ്പെട്ടത്. ജലേശ്വര് (576), കൈലാലി (612), കാഞ്ചന്പൂര് (450), ഡാങ് (124), സോളുഖുംബു (86) എന്നിവിടങ്ങളിലും വലിയ തോതിലുള്ള ജയില് ചാട്ടങ്ങള് നടന്നു. രക്ഷ പ്പെട്ടവരില് പലരും അക്രമാസക്തമായ കുറ്റകൃത്യങ്ങള്ക്ക് ശിക്ഷിക്കപ്പെട്ടവരാണ് എന്നത് ഇരകള്ക്കിടയില് പ്രതികാര ഭയം വര്ദ്ധിപ്പിച്ചതായും അധികൃതര് മുന്നറിയിപ്പ് നല്കി.
ദക്ഷിണ ബാഗ്മതി പ്രവിശ്യയിലെ സിന്ധുലിഗഡിയില്, ബുധനാഴ്ച അതിരാവിലെ ജയിലിനു ള്ളില് തീയിട്ടതിന് ശേഷം 43 സ്ത്രീകളടക്കം 471 തടവുകാരും രക്ഷപ്പെട്ടു. ആള്ക്കൂട്ടം ജയി ലിന്റെ പ്രധാന കവാടം തകര്ത്താണ് പുറത്തുകടന്നത്. പര്സ ജില്ലയിലെ ബിര്ഗുഞ്ചില്, തടവുകാര് ജയിലിന്റെ തെക്കേ ഭിത്തിയില് ഒരു വലിയ ദ്വാരമുണ്ടാക്കി രക്ഷപ്പെടാന് ശ്രമി ച്ചു. മണിക്കൂറുകള് നീണ്ട പരിശ്രമത്തിനൊടുവില് സുരക്ഷാ സേന സ്ഥിതി നിയന്ത്രണ വിധേയമാക്കി. കാഠ്മണ്ഡുവിലെ ദില്ലിബസാര് ജയിലില് നിന്ന് രക്ഷപ്പെട്ട ഒരു തടവുകാരനെ നാട്ടുകാര് പിടികൂടി സൈന്യത്തിന് കൈമാറി.
ചിലയിടങ്ങളില് നാട്ടുകാര് രക്ഷപ്പെട്ട തടവുകാരെ പിന്തുടര്ന്ന് പിടികൂടി പോലീസിന് കൈമാറിയതായും, എന്നാല് ആയിരക്കണക്കിന് പേര് ഇപ്പോഴും ഒളിവിലാണെന്നും ദൃക്സാക്ഷികള് പറഞ്ഞു. ജുംലയില്, ചന്ദനാഥ് മുനിസിപ്പാലിറ്റി-6 ജയിലില് 36 പേര് ബുധനാഴ്ച അര്ദ്ധരാത്രിക്ക് ശേഷം രക്ഷപ്പെട്ടു. തടവുകാര് വാര്ഡനെ മരവടി കൊണ്ട് ആക്രമിച്ചശേഷം പ്രധാന കവാടം തകര്ത്ത് രക്ഷപ്പെട്ടു.
