ന്യൂഡൽഹി: പഞ്ചാബില്‍ അര്‍ജുന അവാര്‍ഡ് ജേതാവായ പൊലീസ് ഉദ്യോഗസ്ഥന്‍ കൊല്ലപ്പെട്ട സംഭവത്തില്‍ പ്രതിയെ പിടികൂടി പൊലീസ്.
വിജയ് കുമാര്‍ എന്ന ഓട്ടോ ഡ്രൈവറാണ് പ്രതിയെന്ന് പൊലീസ് പറഞ്ഞു. പ്രതിയെ അറസ്റ്റ് ചെയ്തതായി ജലന്ധര്‍ പോലീസ് മേധാവി സ്വപന്‍ ശര്‍മ്മ പറഞ്ഞു.
ഭാരോദ്വഹന താരമായ ദല്‍ബീര്‍ സിംഗ് ഡിയോളിനെ പുതുവത്സര ദിനത്തിലാണ് തലയില്‍ വെടിയേറ്റ് മരിച്ച നിലയില്‍ റോഡിൽ കണ്ടെത്തിയത്.രാത്രിയിൽ ന്യൂ ഇയർ ആഘോഷങ്ങൾക്ക് ശേഷം വീട്ടിലേക്ക് കൊണ്ടുവിടുന്നത് സംബന്ധിച്ച്‌ ഓട്ടോഡ്രൈവറുമായുള്ള തര്‍ക്കമാണ് കൊലയില്‍ കലാശിച്ചതെന്ന് പൊലീസ് പറഞ്ഞു.
ദല്‍ബീറിന്റെ സര്‍വീസ് പിസ്റ്റള്‍ കൈക്കലാക്കിയ വിജയ് കുമാര്‍ തലക്ക് വെടിയുതിര്‍ക്കുകയായിരുന്നു എന്നാണ് വിവരം.
