മലപ്പുറം ജില്ലയിലെ കുറ്റിപ്പാലയിൽ നടത്തിയ വാഹനപരിശോധനയിലാണ് കൽപകഞ്ചേരി പോലീസ് പണം കണ്ടെടുത്തത്.സംഭവത്തിൽ ഒരാളെ അറസ്റ്റ് ചെയ്തിട്ടുണ്ട്.
ജില്ലാ പോലീസ് മേധാവി എസ്. ശശിധരനു ലഭിച്ച രഹസ്യവിവരത്തിന്റെ അടിസ്ഥാനത്തിൽ കൽപകഞ്ചേരി പോലീസ് ഇൻസ്‌പെക്ടർ കെ. നൗഫലിന്റെ നേതൃത്വത്തിൽ നടത്തിയ വാഹനപരിശോധനയിലാണ് 17,73,500 രൂപയുടെ കുഴൽപ്പണവുമായി തെന്നല ചീരങ്ങൻ വീട്ടിൽ അലി അക്ബർ പിടിയിലായത്. കഴിഞ്ഞ ഒരു വർഷത്തിനിടെ ജില്ലയിൽ നിന്ന് പോലീസ് പിടികൂടുന്ന അറുപത്തിയേഴാമത്തെ അനധികൃത ഹവാല, കുഴൽപ്പണ ഇടപാടാണിത്.
