എന്നാൽ അധികമായി മഴ ലഭിച്ചത് ആശ്വാസമാണെങ്കിലും വയനാട്, കണ്ണൂര് ജില്ലകളില് ലഭിക്കേണ്ട മഴയില് കുറവുണ്ടായി.തുലാവര്ഷത്തില് ഇത്തവണ ഏറ്റവും കൂടുതല് മഴ ലഭിച്ചത് പത്തനംതിട്ട ജില്ലയിലാണ്. 1220.2 മില്ലി മീറ്റര് മഴയാണ് (94ശതമാനം അധികം) പത്തനംതിട്ടയില് ലഭിച്ചത്. കഴിഞ്ഞ വര്ഷവും പത്തനംതിട്ട ജില്ലയിലായിലായിരുന്നു കൂടുതല് മഴ ലഭിച്ചത്.
ഇത്തവണ വയനാട് ജില്ലയിലാണ് ഏറ്റവും കുറവ് മഴ ലഭിച്ചത് ( 309.6 മില്ലി മീറ്റര്, നാലു ശതമാനത്തിന്റെ കുറവ് ). കാലവര്ഷത്തിലും 55 ശതമാനത്തില് കുറവ് മഴ ലഭിച്ച വയനാട് ജില്ലയില് മുൻ കരുതല് ആവശ്യമായി വരും. തുലാവര്ഷത്തില് കണ്ണൂരിലും നാലു ശതമാനത്തിന്റെ കുറവാണ് ഉണ്ടായിരിക്കുന്നത്. 391.3 മില്ലി മീറ്റര് മഴ ലഭിക്കേണ്ട സ്ഥാനത്ത് 377.1 മില്ലി മീറ്ററാണ് ലഭിച്ചത് (4ശതമാനത്തിന്റെ കുറവ്). വയനാട്, കണ്ണൂര് ഒഴികെയുള്ള ജില്ലകളില് സാധാരണ ഈ കാലയളവില് ലഭിക്കേണ്ട മഴയെക്കാള് കൂടുതല് ലഭിച്ചു.
തിരുവനന്തപുരത്ത് 836.6 മില്ലി മീറ്റര് (52ശതമാനം അധികം), കോട്ടയത്ത് 38ശതമാനവും ആലപ്പുഴയില് 40ശതമാനവും എറണാകുളത്ത് 24 ശതമാനവും അധികമായി മഴ ലഭിച്ചു.
