മലപ്പുറം: പ്രായപൂര്‍ത്തിയാകാത്ത ബൈക്ക് യാത്രികൻ അപകടത്തില്‍ മരിച്ച സംഭവത്തിൽ മാതാപിതാക്കൾക്കെതിരെ പോലീസ് കേസെടുത്തു.
ഞായറാഴ്ച തിരൂരങ്ങാടിക്കടുത്ത് ചെറുമുക്കിലായിരുന്നു അപകടം.വേങ്ങര ചേറൂര്‍ സ്വദേശി പനക്കല്‍ അബ്ദുള്‍ അസീസിന്റെ മകൻ മുഹമ്മദ് നാഫിഹ് (16) ആണ് മരിച്ചത്.
വേങ്ങരയ്ക്കടുത്ത് ചേറൂര്‍ പിടിഎം ഹയര്‍സെക്കൻഡറി സ്‌കൂളിലെ ഒമ്ബതാം ക്ലാസ് വിദ്യാര്‍ഥിയാണ് നഫീഹ്.ചെറുമുക്കിലെ മാതൃവീട് സന്ദര്‍ശിക്കാൻ പോകവെയായിരുന്നു സംഭവം.റഹ്മത്ത് നഗറിലെ കുണ്ടൂര്‍ റോഡിലായിരുന്നു അപകടം.
