കൊല്ലം: പൂയംകുളത്ത് നിന്ന് കാണാതായ ഏഴ് വയസുകാരി അബിഗേലിനെ തിരിച്ച്‌ കിട്ടിയതിന്റെ സന്തോഷം പങ്കുവെച്ച എം.എല്‍.എ മുകേഷിനും കോൺഗ്രസ് നേതാവ് ബിന്ദു കൃഷ്ണയ്ക്കും സോഷ്യല്‍ മീഡിയയില്‍ ട്രോളോട് ട്രോൾ !
അബിഗേലുമൊത്തുള്ള ചിത്രം മുകേഷ് ഫേസ്ബുക്കില്‍ പങ്കുവെച്ചിരുന്നു. ഇതിന് താഴെയാണ് പരിഹാസ കമന്റുകള്‍. കുട്ടിക്കൊപ്പം മുകേഷിനെയും കണ്ടെത്തിയെന്ന് ചിലര്‍ പരിഹസിച്ചു.
‘ കുട്ടിയെ കിട്ടിയതില്‍ സന്തോഷം…. അതോടൊപ്പം കൊല്ലത്തുകാര്‍ക്ക് തങ്ങളുടെ #MLA യെയും കണ്ട് കിട്ടിയല്ലോ’
‘കൃത്യസമയത്ത് എത്തി കുട്ടിയെ എടുത്തുനില്‍ക്കുന്ന എംഎല്‍എക്ക് അഭിനന്ദനങ്ങള്‍. ഇതാവണം എം എല്‍ എ. മികച്ച അഭിനേതാവാണെന്ന് ഒരിക്കല്‍ കൂടി തെളിയിച്ചു’ – ഇങ്ങനെ പോകുന്നു പരിഹാസങ്ങൾ.
അതേസമയം കൊല്ലം ഡിസിസി പ്രസിഡണ്ട് ബിന്ദു കൃഷ്ണയേയും ട്രോളർമാർ വെറുതെ വിടില്ല.’കുട്ടിയോടൊപ്പം കാണാതായ ചേച്ചിയെയും കണ്ടെത്തിയെന്നാണ് ‘ ആക്ഷേപം.
