കുവൈറ്റ് സിറ്റി :2026 ഫിഫ ലോകകപ്പ് കളിക്കുകയെന്ന ലക്ഷ്യത്തിലേക്ക് ആദ്യ ചുവടുവച്ച് ഇന്ത്യ. .കുവൈറ്റിനെ അവരുടെ നാട്ടില്‍ പോയി 1-0ത്തിനാണ് സുനില്‍ ഛേത്രിയും സംഘവും വീഴ്ത്തിയത്.
മന്‍വീര്‍ സിംഗ് (75) നേടിയ ഗോളാണ് വിലപ്പെട്ട 3 പോയിന്റുകള്‍ ഇന്ത്യയ്ക്ക് സമ്മാനിച്ചത്.
എവേ മല്‍സരത്തിലെ ജയം ഗ്രൂപ്പ് എയില്‍ ഇന്ത്യയ്ക്ക് ഗുണം ചെയ്യും. ഖത്തര്‍ ഉള്‍പ്പെടുന്ന ഗ്രൂപ്പില്‍ നിന്ന് മികച്ച രണ്ടാം സ്ഥാനക്കാരായെങ്കിലും അടുത്ത റൗണ്ടിലേക്ക് കടക്കുകയെന്ന സ്വപ്‌നത്തിന് ഇന്ത്യയ്ക്ക് കൂടുതല്‍ ഊര്‍ജ്ജം പകരുന്നതാണ് ജയം.
വരാനിരിക്കുന്ന ലോകകപ്പിൽ ഏഷ്യയില്‍ നിന്നും എട്ട് ടീമുകളാണ് ഉണ്ടാകുക.അമേരിക്കയും മെക്സിക്കോയും കാനഡയും സംയുക്തമായാണ് 2026 ഫിഫ ലോകകപ്പ് ഫുട്ബോൾ ടൂർണമെന്റിന് ആതിഥേയത്വം വഹിക്കുന്നത്.
