സൽമാൻ ഖാൻ നായകനായി വേഷമിട്ട ചിത്രമാണ് ടൈഗർ 3. സംവിധാനം നിർവഹിച്ചത് മനീഷ് ശർമയാണ്. കത്രീന കൈഫ് നായികയുമായിരിക്കുന്നു. മികച്ച പ്രതികരണം ലഭിക്കുന്ന ചിത്രത്തിന്റെ കളക്ഷന്റെ സൂചനകളും പുറത്തെത്തിയിരിക്കുകയാണ്. ടൈഗർ പ്രധാന നാഷണൽ തിയറ്ററുകളിൽ കളക്ഷൻ എത്രയാണ് നേടിയിരിക്കുന്നത് എന്നതിന്റെ കണക്കുകളാണ് ട്രേഡ് അനലിസ്റ്റായ ഹിമേഷ് പുറത്തുവിട്ടിരിക്കുന്നത്. പിവിആർ ഐനോക്സിൽ നിന്ന് 8.75 കോടി രൂപയാണ് നേടിയത് എന്നാണ് 12.30 വരെയുള്ള കണക്കുകൾ പ്രകാരം ഹിമേഷ് റിപ്പോർട്ട് ചെയ്യുന്നത്. സിനിപൊളിസിൽ നിന്ന് ആകെ 2.10 കോടി രൂപയും നേടിയിരിക്കുന്നു. ടൈഗർ 3 ആകെ 10.85 കോടി രൂപയാണ് ഇന്ന് പ്രധാന നാഷണൽ തിയറ്റർ ശൃംഖലയിൽ നിന്ന് 12.30 വരെ നേടിയത് എന്നാണ് ഹിമേഷിന്റെ റിപ്പോർട്ട്.
TIGER 3 – 10.85 CR DONE @ NATIONAL CHAINS ON SUNDAY @ 12.30!#Tiger3 collects over 10.75 crore already in PVRInox & Cinepolis. Headed for an EXCELLENT opening on Diwali Day!
PVRInox: 8.75 crore
Cinepolis: 2.10 croreTotal: 10.85 crore#SalmanKhan #KatrinaKaif
— Himesh (@HimeshMankad) November 12, 2023
ടൈഗറിന് മികച്ച അഡ്വാൻസ് ബുക്കിംഗുമായിരുന്നു. സൽമാന്റെ ടൈഗർ യുഎഇയിൽ ഇന്നലെ തന്നെ റിലീസ് ചെയ്‍തിരുന്നു. അതിനാൽ നിരവധി പേർ ചിത്രത്തെ കുറിച്ചുള്ള അഭിപ്രായങ്ങൾ സാമൂഹ്യ മാധ്യമങ്ങളിൽ പങ്കുവെച്ചിട്ടുണ്ട്. ഷാരൂഖ് ഖാന്റെ അതിഥി വേഷത്തിന്റെ ദൃശ്യങ്ങൾ ചോർന്നത് പ്രതിസന്ധിയിലാക്കിയിട്ടുണ്ട്. ചിത്രത്തിലെ സ്പോയിലറുകൾ ഒരിക്കലും വെളിപ്പെടുത്തരുതെന്ന് സൽമാൻ ഖാൻ ഇന്നലെ സാമൂഹ്യ മാധ്യമത്തിലൂടെ ആരാധകരോട് അഭ്യർഥിക്കുകയും ചെയ്‍തിരുന്നു. ഹൃത്വിക് റോഷനും അതിഥി വേഷത്തിലുണ്ട്. റിലീസിന് മുന്നേയുള്ള ഹൈപ്പ് സൽമാന്റെ ചിത്രത്തിന് സ്വീകാര്യത നൽകുന്നു എന്നാണ് വ്യക്തമാകുന്നത്.
പഠാന് പിന്നാലെ യാഷ് രാജ് ഫിലിംസിൻറെ സ്പൈ യൂണിവേഴ്‍സിൽ നിന്ന് എത്തിയ ചിത്രം എന്നതായിരുന്നു ടൈഗർ 3ന്റെ പ്രീ റിലീസ് ഹൈപ്പ്. സൽമാന്റെ ഏക് ഥാ ടൈഗറായിരുന്നു ആദ്യം സ്പൈ യൂണിവേഴ്‍സിൽ നിന്ന് എത്തിയ ചിത്രം. ടൈഗർ സിന്ദാ ഹെ രണ്ടാം ഭാഗമായി എത്തി. സൽമാൻ പഠാനിൽ അതിഥി വേഷത്തിലെത്തിയിരുന്നു.
