ശ്രീ നഗര്‍: ജമ്മുകാഷ്മീരില്‍ നാല് ഭീകരരെ സുരക്ഷാസേന പിടികൂടി. ലഷ്കര്‍ ഇ തൊയിബയുമായി ബന്ധമുള്ളവരാണ് അറസ്റ്റിലായത്.
തിങ്കളാഴ്ച, ചെക്ക്പോസ്റ്റില്‍ വച്ച്‌ സുരക്ഷാഉദ്യോഗസ്ഥരെ കണ്ട് ഇവര്‍ ഓടി രക്ഷപെടാൻ ശ്രമിച്ചിരുന്നു. എന്നാല്‍ ഇവരെ പിടികൂടി.
ബാരാമുള്ളയിലെ ചന്ദൂസ സ്വദേശികളായ ഗുലാം ഹസൻ മിര്‍, മുഖ്താര്‍ അഹമ്മദ് ഖാൻ എന്നിവരായിരുന്നു അത്. പരിശോധനയില്‍ ഇവരില്‍ നിന്ന് ഒരു ചൈനീസ് പിസ്റ്റള്‍, ഒരു പിസ്റ്റള്‍ മാഗസിൻ, 12 ലൈവ് റൗണ്ടുകള്‍, രണ്ട് ഹാൻഡ് ഗ്രനേഡുകള്‍ തുടങ്ങിയവ കണ്ടെടുത്തു.
ഇവരെ ചോദ്യം ചെയ്തതില്‍ നിന്നും കൗഹാര്‍ സ്വദേശി അല്‍താഫ് അഹമ്മദ് റാത്തര്‍, കുൻസാര്‍ സ്വദേശി ഫാറൂഖ് അഹമ്മദ് നഖീബ് എന്നിവരെയും സുരക്ഷാഉദ്യോഗസ്ഥര്‍ പിടികൂടി. ഇവരില്‍ നിന്നും ഗ്രനേഡുകള്‍ കണ്ടെടുത്തു.
