അതേസമയം തോളിനേറ്റ പരുക്കിനെത്തുടര്‍ന്ന് യുവതാരം ജീക്സണ് സിങ്ങിന് സീസണിന്റെ പകുതിയോളം മത്സരങ്ങളില്‍ പുറത്തിരിക്കേണ്ടി വരുമെന്ന് ഉറപ്പായി. ഒക്ടോബര്‍ എട്ടിന് മുംബൈ സിറ്റി എഫ്സിക്കെതിരേ നടന്ന മത്സരത്തിനിടെയാണ് ജീക്സണ് പരുക്കേറ്റത്. തുടര്‍ന്ന് കളത്തിനു പുറത്തായിരുന്ന താരം ഇന്ന് കൊച്ചിയില്‍ നോര്‍ത്ത് ഈസ്റ്റിനെതിരേ നടക്കുന്ന മത്സരത്തില്‍ ബ്ലാസ്റ്റേഴ്സ് നിരയിലുണ്ടാകില്ല.
മുംബൈയ്ക്കെതിരായ മത്സരത്തില്‍ ജീക്സണു പുറമേ ബ്ലാസ്റ്റേഴ്സ് പ്രതിരോധനിരയിലെ മറ്റൊരു മിന്നും താരം അയ്ബനും പരുക്കേറ്റിരുന്നു. ഗുരുതര പരുക്കിനെത്തുടര്‍ന്ന് ശസ്ത്രക്രിയയ്ക്കു വിധേയനായ അയ്ബന്‍ സീസണില്‍ ഇനിയുള്ള മത്സരങ്ങളില്‍ ബ്ലാസ്റ്റേഴ്സ് നിരയില്‍ ഉണ്ടാകില്ലെന്ന് ഉറപ്പായി.
ഡിഫൻസിലെ പരിചയ സമ്ബന്നനായ പോരാളി ലെസ്കോവിചും അടുത്ത രണ്ട് മത്സരങ്ങളില്‍ ടീമിനൊപ്പം ഉണ്ടാകില്ലെന്ന് ഉറപ്പായി.താരവും പരിക്കിന്റെ പിടിയിലാണ്.അവസാന മത്സരത്തില്‍ ചുവപ്പ് കാര്‍ഡ് കണ്ടതിനാല്‍ മറ്റൊരു വിദേശ സെന്റര്‍ ബാക്കായ മിലോസും നോര്‍ത്ത് ഈസ്റ്റിന് എതിരായ മത്സരത്തില്‍ കേരള ബ്ലാസ്റ്റേഴ്സിനൊപ്പം ഉണ്ടാകില്ല.
