നീലേശ്വരം: തെങ്ങിന്റെ ഓലമടല്‍ വൈദ്യുതി കമ്ബിയില്‍ കുടുങ്ങി ട്രെയിൻ ഗതാഗതം നിര്‍ത്തിവെച്ചു. നീലേശ്വരം പള്ളിക്കര റെയില്‍വേ ട്രാക്കിനു മുകളില്‍ തീവണ്ടിയുമായി ബന്ധിപ്പിക്കുന്ന വൈദ്യുത കമ്ബിയിലാണ് ഓലമടല്‍ കുടുങ്ങി പൊല്ലാപ്പായത്.
കഴിഞ്ഞ ദിവസം വൈകിട്ട് കോയമ്ബത്തൂരില്‍നിന്ന് മംഗളുരുവിലേക്ക് ട്രെയിൻ കടന്നുപോകുമ്ബോഴാണ് വൈദ്യുതി കമ്ബിയില്‍ ഓലമടല്‍ കാണപ്പെട്ടത്. ഇതുമൂലം അരമണിക്കൂറോളം പള്ളിക്കരയില്‍ ട്രെയിൻ ഗതാഗതം നിര്‍ത്തിവെച്ചു. പിന്നീട് റെയില്‍വേ ഉദ്യോഗസ്ഥ സംഘം എത്തി ഓലമടല്‍ നീക്കിയാണ് ഗതാഗതം പുനഃസ്ഥാപിച്ചത്.
