കൊച്ചി:2450 ചതുരശ്ര അടിയില്‍ ഒരുക്കിയ ഭീമൻ പൂക്കളം വേള്‍ഡ് ബുക്ക് ഓഫ് റെക്കോര്‍ഡ്‌സില്‍ ഇടം നേടി. ഓണാഘോഷത്തിന്‍റെ ഭാഗമായി ഉജ്ജീവൻ സ്മോള്‍ ഫിനാൻസ് ബാങ്കാണ് കൊച്ചി ജിംഖാനയില്‍ ഭീമൻ പൂക്കളമൊരുക്കിയത്.
150-ലധികം ഉജ്ജീവൻ സ്മോള്‍ ഫിനാൻസ് ബാങ്ക് ഉപഭോക്താക്കള്‍ ചേര്‍ന്നാണു പൂക്കളമൊരുക്കിയത്. ഇതോടനുബന്ധിച്ചു നടന്ന ചടങ്ങില്‍ ക്രിക്കറ്റ് താരം ടിനു യോഹന്നാൻ, ബാങ്ക് എംഡി ഈട്ടീര ഡേവിസ് തുടങ്ങിയവര്‍ പങ്കെടുത്തു.
കേരളത്തിന്‍റെ ഭൂപടവും സാംസ്കാരിക വൈവിധ്യങ്ങളും പൂക്കളത്തില്‍ ആവിഷ്കരിച്ചിരുന്നു.
