പിറവം അരീക്കല്‍ വെള്ളച്ചാട്ടം കാണാനെത്തിയ സ്ത്രീകളോടാണ് പോലീസുകാര്‍ അപമര്യാദയായി പെരുമാറിയത്. ചൊവ്വാഴ്ച വൈകുന്നേരമായിരുന്നു സംഭവം.പോലീസുകാരെ നാട്ടുകാര്‍ തടഞ്ഞുവയ്ക്കുകയും മര്‍ദിക്കുകയും ചെയ്ത ശേഷമാണ് രാമമംഗലം പോലീസിന് കൈമാറിയത്.പ്രതികളായ പോലീസുകാര്‍ മദ്യപിച്ചിരുന്നതായി നാട്ടുകാര്‍ പറയുന്നു.
സംഭവം പോലീസ് സ്റ്റേഷനില്‍ അറിയിച്ചെങ്കിലും ഒതുക്കിതീര്‍ക്കാനാണ് പോലീസ് ആദ്യം ശ്രമിച്ചതെന്നും നാട്ടുകാർ പറയുന്നു. സ്ത്രീകള്‍ പരാതിയില്‍ ഉറച്ചുനിന്നതോടെയാണ് പോലീസ് കേസെടുത്തത്. പ്രതികള്‍ മറ്റ് സ്ത്രീകളോടും മോശമായി പെരുമാറിയതായി നാട്ടുകാര്‍ ആരോപിക്കുന്നു.
എറണാകുളം സ്വദേശിനികളായ യുവതികള്‍ സുഹൃത്തുക്കള്‍ക്കൊപ്പം വെള്ളച്ചാട്ടത്തില്‍ കുളിക്കുന്നതിനിടെയാണ് പൊലീസുകാര്‍ അപമാനിക്കാൻ ശ്രമിച്ചത്. യുവതികള്‍ പ്രതികരിച്ചതോടെ നാട്ടുകാര്‍ പൊലീസുകാരെ തടഞ്ഞുവയ്ക്കുകയായിരുന്നു.
