മോഹൻപൂര്‍ പോലീസ് ഔട്ട്പോസ്റ്റിന്റെ ചുമതലയുള്ള ഉദ്യോഗസ്ഥനായിരുന്നു നന്ദകിഷോര്‍. അദ്ദേഹത്തിന്റെ നേതൃത്വത്തിലുള്ള ഉദ്യോഗസ്ഥര്‍ കന്നുകാലികളെ കടത്തുകയായിരുന്ന ട്രക്ക് തടഞ്ഞ് മൂന്ന് പേരെ അറസ്റ്റ് ചെയ്തിരുന്നു. പിന്നാലെ, പ്രതികളെ പോലീസ് സ്റ്റേഷനിലേക്ക് കൊണ്ടുപോകുന്നതിനിടെ സംഘത്തില്‍പ്പെട്ടവരുടെ കൂട്ടാളികള്‍ അദ്ദേഹത്തിന് നേരെ വെടിയുതിര്‍ക്കുകയായിരുന്നു. ഇടതു കണ്ണിന് സമീപം വെടിയേറ്റ യാദവ് ഗുരുതരാവസ്ഥയില്‍ ചികിത്സയിലിരിക്കെയാണ് മരിച്ചത്.
