മടത്തറയില്‍ പ്രവര്‍ത്തിക്കുന്ന ബിവറേജസ് കോര്‍പ്പറേഷന്റെ ഔട്ട്ലെറ്റില്‍ നിന്നും ഹോള്‍സെയില്‍ ആയി മദ്യം വില്‍ക്കുന്നതായി പൊലീസിന് പരാതി ലഭിച്ചിരുന്നു. തുടര്‍ന്ന് നടത്തിയ വാഹന പരിശോധനയിലാണ് മദ്യവുമായി ഓട്ടോറിക്ഷ പിടികൂടിയത്.
കടയ്ക്കല്‍ മണലുവെട്ടം സ്വദേശി പ്രദീപ് ആണ് അറസ്റ്റിലായത്. ഒരാഴ്ച മുൻപ് ചടയമംഗലം എക്സൈസ് സംഘം ബസില്‍ നിന്നും വലിയ അളവില്‍ മദ്യം പിടികൂടിയിരുന്നു. ബിവറേജസ് ഔട്ട്ലെറ്റില്‍ നിന്നുമാണ് മദ്യം ലഭിച്ചതെന്ന് പ്രതി മൊഴി നല്‍കിയിരുന്നു.
